حل الفنان محمد أنور ضيفا فى برنامج "سهرانين" مع الفنان والإعلامى أمير كرارة، المذاع على قناة ON، وكشف أنور عن تجربته فى مسرح مصر، قائلا: "مسرح مصر كأنه زى بلد وكأننا نتعامل فى البيت، وأشرف عبد الباقى كان بيجيب جبنة قديمة ويجمع الناس تاكل معاه، وويزو لما تعرف المسرحية فيها 4 دخلات أول دخلة بتاكل 20 رغيف حواوشى، وترجع تانى كبدة وسجق وبعدين تاكل شوية جبن، وبعدين قبل التحية فى المسرح تاكل بطيخ، وباقى المسرح بناكل البواقى منها فى ساعة بتتغدا وتتعشى وتحلى".
وكشف عن عيشته فى شقة مع أصدقائه بمسرح مصر، قائلا: "كنا عايشين مع بعض فى شقة واحدة، أنا وأوس أوس وحمدى المرغنى كنا قاعدين فى أوضة، وكنا مسمين الأوضة بأوضة الكلب، وفيها سرير واحد".
أما عن الفنان محمد عبد الرحمن قال أنور: "عبد الرحمن بينام لوحده فى ركن هادى وبيصحى فى نص النوم يفتح التلاجة يخلص الأكل كله ويشرب سيجارة، ويقفل التلاجة ويروح ينام تانى".
وشهد برنامج سهرانين فى مواسمه السابقة عددا كبيرا من النجوم، على رأسهم أصالة، وصابر الرباعى، وراغب علامة، وحكيم، وفريق واما، ونجوم مسرح مصر، ماجد الكدوانى، وسيد رجب، وأبو، وأنغام ، وعبد الباسط حمودة، ويسران ومحمد الشرنوبى، بالإضافة لعدد كبير من النجوم والمطربين.
