يعتبر الجيم من الأماكن المهم زيارتها من وقت لآخر لمساعدتنا في التخلص من الوزن الزائد والتخلص من الدهون وأيضًا قد يساعدنا في تحسن الحالة المزاجية، لكن لا بد من أخذ الحذر من ممارسة بعض الأخطاء في الزيارة الأولى للجيم، لذا قررنا نقدم سؤالا للبنات من باب "متغلطيش غلطتي".. عن الأخطاء اللازم تجنبها في أول يوم جيم..
أخطاء في أول يوم جيم
لعبت 5 ساعات بعدها معرفتش أمشي:
قالت إيمان لـ اليوم السابع:" أنا كنت أول يوم جيم وبصراحة كانت نفسيتي وحشة جدًا فحبيت أنزل الجيم والعب من باب أني أفك عن نفسي واتخلص من أي مشكلات لأن في اعتقادي أن الرياضة بتساعدنا على تحسين الحالة المزاجية والتخلص من الضغوطات، ولكن في الحقيقة أنا روحت يوم ومعرفتش أروح تاني كان مفروض التمارين بتاعتي ساعة ويفضل تكون تمارين خفيفة لأني أول يوم لكن أنا لعبت أكثر من 5 ساعات وبعدها تعبت جسديًا كان عندي صعوبة في الحركة نصيحتي نلعب ساعة بس مع الوقت نلعب أكتر"..
شيلت حديد:
وتقول دينا فايق:" ارتكبت خطأ كبير جدًا هي أني أول مرة أنزل جيم شيلت حديد مش أي وزن لا أنا شيلت 40 كيلو كنت فاكره نفسي بيج رامي وبعدها كنت بموت وتقريبًا تعرضت لإصابة قعدت في البيت بسببها فترة معرفتش أنزل فترة من البيت".
أكلت قبل التمرين:
وتقول ريم شعبان:" كنت جعانة ونايمة من غير ما تناول وجبة العشاء، قومت وأنا رايحة الجيم أخدت نصف فرخة أكلتها وبعدها نزلت التمارين حرفيًا كنت بموت وعرفت أنه غلط جدًا وعرفت الصح لكن بعد ما تعبت".
الاختيار العشوائي:
وتحكي سارة إبراهيم:" نزلت أول يوم الكابتن اللي كانت معايا كانت معقدة وكرهت الجيم وكان من الأخطاء أني تركت الاختيار عشوائي في حين أن كان ممكن اختار حد غيرها لكن اتقفلت من المكان محبتش أروح تاني".
تمارين بدون تسخين:
وتقول تقي أحمد: "في الأول المفروض كنت سخنت قبل التمرين لكن أنا نزلت على التمارين والآلات على طول حصلي شد عضل لعدة أيام وتعبت جدًا".
أبرز الأخطاء في أول يوم جيم
أبرز الأخطاء في أول يوم جيم
أخطاء في أول يوم جيم
تم أضافة تعليقك سوف يظهر بعد المراجعة