ظهرت الفنانة وفاء سالم، الأيام الماضية بملامح مرهقة في وجهها بعد خضوعها لعملية غير ناجحة على حد قولها وبدت بملامح كبيرة فى السن، ثم اختفت للعلاج ونشرت صورة جديدة وظهرت بملامح صغيرة في السن وغاية في الجمال والشباب.
أوضحت وفاء سالم، قصة وجهها لـ اليوم السابع وقالت: "بقالى فترة مختفية عن السوشيال ميديا بعد العملية اللى بوظت وشى وطلعت اتكلمت في مداخلة هاتفية لأحد البرامج، وروحت لدكتور تانى وخلانى أحسن ووشى أحلى وبشكره جدًا، وبشكر كل ردود الفعل من جمهورى والحب اللى وصل ليا منهم، وليه التفت للمهاترات والكلام اللى مالوش لازمة، صورة التعب بانت حد لاعب فيها فوتوشوب ووضحت الكلام على صفحتى على فيس بوك وبشكر كل واحد بعتلى يطمئن عليا".
ونشرت الفنانة وفاء سالم صورة لها قبل إجرائها عملية التجميل بأيام عبر حسابها على فيس بوك، وقالت: على فكرة الصورة اللي فوق واضح الفوتوشوب التكبير في السن لأن الصورة اللي تحت كانت قبل العملية بكام يوم في فرح العالم الأثري الدكتور علي أبو دشيش".
![317262043_10228909192811948_6158106474173757379_n 317262043_10228909192811948_6158106474173757379_n](https://img.youm7.com/ArticleImgs/2022/11/28/59397-317262043_10228909192811948_6158106474173757379_n.jpg)
![317273307_10228909190051879_4053384653330304674_n 317273307_10228909190051879_4053384653330304674_n](https://img.youm7.com/ArticleImgs/2022/11/28/41302-317273307_10228909190051879_4053384653330304674_n.jpg)
![317330283_10228909187331811_1479616947254402507_n 317330283_10228909187331811_1479616947254402507_n](https://img.youm7.com/ArticleImgs/2022/11/28/45964-317330283_10228909187331811_1479616947254402507_n.jpg)
تم أضافة تعليقك سوف يظهر بعد المراجعة