قال الموسيقار هانى شنودة إنه لم يشتهر عندما كان في فرقة غربية، ولم يعرفه أحد إلا بعد تشكيل فرقة المصريين، وأنها كانت أفضل فترة سعيدة بالنسبة له، وكان أصدقائه فى ذلك الوقت عمر خيرت وعمر خورشد و"كانت شلة حلوة قوى وكنا كلنا صغيرين قوى".
وأضاف خلال لقائه فى برنامج حديث العرب المذاع على القناة الأولى: "كنا بعد صلاة التراويح في رمضان نطلع نقعد على الأرض ونسمع صوت النقشبندى، وتعرضت للأغنية الغربية عن طريق اختى كانت بتحب تسمع الاغانى دى، وكنا نروح نشوف الموالد ونتفرج على الغوازى اللى كانوا يغيروا في كلمات الاغانى المشهورة" .
وتابع: "هواية الموسيقى كانت جامدة جدا بالنسبالى وكل ما كنت آجى اغنى امى تقولى بس صوتك نشاذ وهى توفيت ولم ترانى ناجحا"، وقبل عالمية نجيب محفوظ أثر في حياتى بكلمة "انتوا ما بتلعبوش عربى ليه"، وأضاف "فى الوقت ده الشاب اللى كان يرقص بلدى يحط من كرامته والشلة بتاعته تبتعد عنه، فقالى نجيب محفوظ كلمة لا تستبدل شهوة العمل بشهوة الكلام وقاللى أعمل الأغنية اللى انت شايفها صح لما تشوف الأغنية بتاعتنا مش مظبوطة اعمل انت المظبوطة" .
