استخدم الكثير من الأشخاص خلال الفترة الماضية، بعض تطبيقات الذكاء الاصطناعي في تعديل صورهم الشخصية وكذلك صور أحبائهم، ولكن ماذا عن تحويل الأمثلة الشعبية المصرية والحكم إلى صورة طريفة بواسطة أحد التطبيقات، وهذا ما فكر فيه ونفذه المهندس على سليمان .
اشترى دماغك
تحدث المهندس على سليمان، الحاصل على بكالوريوس الهندسة تخصص حاسبات، عن تحويله للأمثلة الشعبية والحكم إلى صور بواسطة أحد تطبيقات الذكاء الاصطناعي، حيث قال لـ" اليوم السابع":" أنا هوايتى تصميم الجرافيك ومع مرور الوقت تعمقت فيها وأشتغلت في المجال ده بعد التخرج".
الحب أعمى
تابع:" كنت بجرب برنامج الذكاء الاصطناعي زى أي حد دلوقتى على السوشيال ميديا، وإزاى ممكن أستفيد منه في شغلى، فكرت أجرب أفكار مختلفة شوية، زى الأمثلة الشعبية اللى بنقولها بشكل يومى من غير مانفكر في تحويلها لمشهد أو صورة، وبدأت أترجم الأمثلة الشعبية للغة الإنجليزية وقدرت أحولها لصور لكن فيه أمثلة معرفتش أوصفها بالإنجليزية، والنتائج كانت ممتعة".
الحيطان ليها ودان
الغرقان يتعلق بقشاية
اللي بيته من زجاج مايحدفش الناس بالطوب
أنهى "على" حديثه معبراً عن أمنيته التي يحلم بتحقيقها في المستقبل، حيث قال:"ناوى أكمل أجرب محاولات كتيرة على برنامج الذكاء الاصطناعي، لأنى متوقع أن البرنامج هيكون فيه تطورات كتيرة وممكن من خلاله أي شخص يحصل على أي صورة عايزها بدل ما يبحث عنها في جوجل".
اللي يحب العسل يتحمل قرص النحل
بيدور على ابرة في كوم قش
بيصطاد فى المايه العكرة
حط في بطنك بطيخة صيفي
زوبعة في فنجان
ضرب عصفورين بحجر واحد
عصفور في اليد خير من ألف على الشجرة
على سليمان
لا تبكى على اللبن المسكوب
نايم في العسل
يقتل القتيل ويمشي في جنازته
