قال مطرب المهرجانات حسن شاكوش، إن نقابة الموسيقيين صرحت لمطربى الراب، مضيفا: "أنا وحمو بيكا مش أقل من ويجز وعنبة، وأى حد ما بيغنيش ياخد مطرب راب، يحطونا وسط الناس بتوع الراب، ويدونا كارنيهات".
وأضاف فى تصريحات تليفزيونية: "أنا موقوف عشان مشكلتى مع رضا البحراوى، واتراضينا، ورحنا النقابة، واتوقف هو شهرين وأنا اتوقفت لأجل غير مسمى".
وتابع: "اعتذرت أنا ورضا البحراوى للجمهور، وأيا كان الغلط المشكلة واحدة، أنا طلعت من مشكلة رضا ودخلت فى حوار العازفين، وقلت فى الفيديو فى لكمة وقالوا غلطت فى الطبالين، وأنا لما جيت البرنامج كنت جاى بفرقتى عازفين وطبالين، ومش من طبعى أغلط فى حد، ولما حد يغلط فى بقوله متشكرين والله يسامحك".
واستطرد حسن شاكوش: "أنا فى رمضان اللى فات طلعت فى كذا حاجة، وكنت طالع فى برنامج وكلمنى حمو بيكا عاوز يروح للبرنامج ده، وكلمت الإعداد، وأول ما طلع خبط فى أنا".
