ناقش برنامج الستات مايعرفوش يكدبوا تقديم الإعلامية إيمان عز الدين والإعلامية هبة الأباصيرى، "هل الاعتراف بالحب ضعف أم قوة؟"، وقالت الإعلامية إيمان عز الدين: "كلمة الاعتراف تنسف أى سوء تفاهم ما بين شخصين واللى بيبتدى بكلمة بحبك هو اللى شارى وحريص على العلاقة والكلمة ليها واقع سحر على اللى قدامنا، ولكن ثقة كبيرة يتمتع بيها الشخص الاعتراف للأخر، وطريقة الاعتراف بيخلص الشخص من التفكير المستمر للطرف الثانى، وأغلب الناس تعترف لبعض بالحب فى عيد الحب وفيه أيام يكون الشخص بياخد خطوة للاعتراف بالحب".
وقالت الإعلامية هبة الأباصيرى :"الاعتراف للأخر بالحب بصدق يعتبر شخصية فضيلة حتى ولو لم يكتمل، والفضيلة بتريحك وتخليك عملت اللى عليك وتشيل على اللى قلبك ولو كان الرد مش حلو ولكن الحمد لله إنك اعترفت للى قدامك وربنا زاحوا من طريقك لأن الإنسان".
وتابعت :" يوم الحب روحى خدى نفسك واعملى عناية بالبشرة أو اخرجى مع أصحابك أو زورى قرايبك، وروحى انتى وصحابك السينما، وكل حاجة هتيجى بوقتها لا تستعجلوا".
كما ناقش برنامج الستات مايعرفوش يكدبوا تقديم الإعلامية إيمان عز الدين والإعلامية هبة الأباصيرى، مشكلة فتاة تقول فيها: "مرتبطة بواحد بيعرف يخلينى مبسوطة وأنا مش متعبة بس المشكلة أن هو بيتحول فجأة ؟".
وقرأت الإعلامية إيمان عز الدين، تفاصيل الرسالة : "مرتبطين وبيعرف يتعامل معايا كويس ومش بتعبه خالص ولا بخليه يتعب لما يصالحنى لما نتخانق وبأقل حاجة أو تعامل ما بينا بتراضى عادى، ولكن المشكلة أنه بيتحول مرة واحدة ويفتعل خناقة على أبسط حاجة ومش عارفة اتصرف انصحونى".
وأضافت إيمان عز الدين: "انتى على البر وفى يدك كل حاجة وممكن يتلكك عاوز يخلع لأن الجواز هيبقى مسئولية ومش عاوز يشيل مسئولية".
وقالت الإعلامية هبة الأباصيرى :"لو بينفعل ويرجع يتصالح عادى له تفسير ولكن لو هو ينفعل وهى تتعب عشان تصالحه يبقى كدة المغزى إنه عاوز يخلع من العلاقة، وأعتقد معظم الشخصيات مش بتتغير، لو عمل خناقة زى كده سيبيه مش تصالحيه، أما لو اختفى يبقى هو عاوز يخلع من الجواز".
وتابعت: "أما لو ينفعل وغزالته بتقلب ولو انفعاله عصبى وبشكل مقبول دون ضرب أو إهانة خلاص اعتبريه عيب فيه، ولكن لو هو بيفتعل وعاوز يخلع يبقى خلاص سيبيه".
واستكملت:" لو عاوزة أنهى النقاش عن الوصول لحيطة سد بكل ذوق وشياكة من الممكن تنهى النقاش عن طريق فوز الطرف الأخر، أو فتح موضوع أخر، أو إنهاء النقاش".
