قال القائمون على مشروع مزارع: في شركتنا نساعد المزارع ونشتري منك المحصول بسعر ثابت بنحدده معاك من البداية وكمان هندفع عربون، متابعين: نقدر نمول المزارع ونوردله كل البذور والأسمدة والشتلات اللي محتاجها ونتابع معاك زراعة المحصول خطوة بخطوة بفريق منتشر في 9 محافظات ونتوسع.
وأضاف القائمين على مشروع مزارع في تصريحات لبرنامج الفرصة: بنشتغل على تحقيق تحول رقمي في القطاع الزراعي وهدفنا نكون الذراع التسويقية والتمويلية لصغار المزارعين وفي نفس الوقت نبقي الذراع الزراعية لشركات التصدير والتصنيع الغذائي، و3 أشياء تقابل المزارعين وهم التسويق والتمويل والدعم الفني وتحديات شركات التصدير والتصنيع الغذائي.
وتابع القائمين على مشروع مزارع: بنينا جسر مباشر بين المزارعين والشركات عن طريق الزراعة التعاقدية ونتعاقد مع شركات التصنيع الغذائي، ونقدم خدمات ما بعد الحصاد من نقل وتجهيز للمنتجات وأول ما المنتج بيوصل ويتقبل عند العميل بنحول مستحقات المزارعين بشكل إلكتروني.
من جانبه قال الدكتور خالد إسماعيل عضو لجنة تحكيم برنامج الفرصة لمشروع مزراع: فيه مشكلة متعلقه بخلط المزارع الصغير بالكبير قولي مين الأهم بالنسبة ليك، ليرد صاحب مشروع مزارع: أنشأنا مزارع للفلاح اللي بيزرع مساحة من 2 فدان لـ20 فدان وأقل من كده صعب.
وقال القائمين على مشروع مزارع: بنتعامل مع الفلاح اللي بيزرع ومعظم الفلاحين مأجرين الأراضي وانا ميهمنيش الملكية ولكن يهمني المزارع، فيما قالت نيفين الطاهري عضو تحكيم برنامج الفرصة لصاحب مشروع مزارع: الفلاحين اللي بيشتغلوا معاك الناتج بتاعهم ليه ميزه تنافسية؟، ليرد صاحب مشروع مزارع: أحنا بنسهل وصول الفلاحين الصغار مع الشركات الكبرى المصدرة للمنتجات الزراعية، وأحنا ماشيين بأولويات الفلاح زي حل مشكلة التسويق والتمويل وبعدين نديله الدعم الزراعي.
تم أضافة تعليقك سوف يظهر بعد المراجعة