تلقي برنامج "الدنيا بخير" الذى يعرض على قناة الحياة، أسئلة جمهور البرنامج ضمن فقرة "منبر الفتوي"، ومن بين هذا الأسئلة التي تلقاها البرنامج "ابن خالتي متزوج من سنة.. ولسه مش خلف.. واتفاجئت ان مراته كاتبه في جروب من جروبات الفيس بوك ومتعرفشي انى موجودة فيه ان جوزها عنده مشكلة طبية تمنعه من الخلفه.. وبتسأل تستمر معاه ولا تتطلق وتشوف حياتها.. والكومنتات كانت ما بين سبيه.. كومنتات تتريق.. وعلمت سكرين شوت.. وانا شوفت بعينى كلام مفيش واحدة تقابله على جوزها.. وهى مش عارفة إذا كانت تسكت ولا تتكلم؟".
أجاب الشيخ عويضة عثمان أمين الفتوي بدار الإفتاء المصرية، خلال حواره في برنامج "الدنيا بخير" على قناة الحياة قائلا: "أنا بس بنبه على حالة من حالات السفه وقلة العقل.. الحقيقة تأتى بنشوفها على الكثيرين في مواقع التواصل الاجتماعي.. لما واحد يزعل من حد يروح كاتب أنا زعلان من كذا.. اللى مش عارف اللى فيه مشكلة يروح كاتب.. حاجة غربية.. مفيش حاجة عندنا حاجة اسمها ستر.. بلاش نشيع هذا بين الناس.. نكتب حكمة أو حديث أو حاجة جميلة.. ازاى ننشر العداءات ونفضح بعضنا البعض.. ده مش صح".
وأضاف الشيخ عويضة عثمان: "حول السائلة.. لابد للإنسان أن يستر.. لأن من ستر مسلما ستره الله يوم القيامة.. والستر أمر مهم وخطأ أن صاحب الأمر يروح يقول اللى شافه.. والنصيحة تكون بينهم.. وتقولها دى أسرار الحياة الزوجية ومش تنفع تكون على الملأ.. ولازم تكون بينها وبين زوجها.. ومش لازم كل ده.. والأمر أيسر من هذا.. والحياة الزوجة لها تقديس.. ومش ينفع الزوجة تقول كده عن زوجها.. ولابد من التعقل وأن يردها بدل التعليقات الساخرة.. وعلى الزوجة أن تكثر من الدعاء والاستغفار كثيرا والصلاة على النبي والصدقة.. كلها أسباب لجلب الرزق بالولد".
تم أضافة تعليقك سوف يظهر بعد المراجعة