يصدر قريبًا عن الهيئة المصرية العامة للكتاب، ديوان جديد للشاعر محمد حسنى إبراهيم، تحت عنوان "لف وارجع"، ويضم الديوان 35 قصيدة متنوعة بالعامية المصرية منها: هروب، خوف، لف وارجع، أول سطر، نهاية، ضريح، وطن، دموع، خمس وردات، صلاة، وجع، وشم، تراويح، خيالات.
ومن أجواء الديوان:
على جنب نزل قلبى مش لاعب
على جنب نزل روحي ع الكورنيش
حواديت وناس
وخطاوى بتعد السفر
السكة قطر من الغياب
والقطر مليان بالوجع
صفر وطلع روحى من جواك
خليها تقرا الصورة فى غيابها
خليك بتستنى الوصول
عيل على أكبر رصيف للبعد
بيذاكر الافراح وبينسى يقوم بليد
ينجح فى أول حزن على بابها
خليها تقرا الصورة ف غيابها
خليك مونس قلبى بالاحزان
النور بيوصل قلبها
أغنية واحدة بيسموعها وينتشوا
حلقات من الذكر اخشتوا
دول مجروحين
الكف بيحضن كف واحنا مروحين
وقف هنا
او لف وارجع من جديد
عيل كما قلنا بليد
الشاعر محمد حسنى إبراهيم، من أبرز شعراء العامية فى مصر، صدر له العديد من الدواوين الشعرية ومنها "مواسم للعطش والجوع" عن سلسلة أصوات أدبية 1995، "أول خطاوي العشق موت" طبعة خاصة 1997، "عرايس النيل" عن سلسلة النشر الإقليمي 2000، "المكان جواك محاصر" عن دار اكتب 2008، "أنا الشرير بتاع الورد" دار أرابيسك 2009، "السما بتمطر أرواح" 2010 دار ايزيس، "طوابير فرح" جامعة الفيوم 2011، "تكتب جناحين وتطير بيهم" دار الادهم 2012، "آخر مابينا ضحكتك" دار النسيم 2013، "رباعيات" إصدار خاص منتدى بداية 2014، "الأسامى" عن دار الأدهم 2015.
