تحدث المطرب الشعبى عبد الباسط حمودة عن أحدث أعماله الغنائية في مداخلة هاتفية ببرنامج "زق عجلك" الذي يذاع على شعبي اف ام، من تقديم شيماء السباعي وتامر جابر، قائلا: "انتظونى في أغنية جديدة اسمها يا أصفر، وهتكون دويتو مع مسلم وأنا مش بنزل بشغل كتير ورا بعض عشان الناس لا تمل وكل ما نتأخر الناس هتكون عطشانة وعايزة تسمع الجديد"
وأضاف عبد الباسط حمودة: "كل ما تغيب عن الناس تقول هو عبد الباسط فين، ودي نفس مدرسة الناس القديمة زي كارم محمود، ماهر العطار، وأحمد عدوية وحسن الأسمر وأنا كما".
وتابع عبد الباسط: "سنة 2020 و2021 كانت وشها حلو عليا وإن شاء الله كمان تكون 2022، وفيى ناس كتير بعتتلي تهاني بعيد ميلادي زي محمود الليثي وعمر كمال وحسن شاكوش وغيرهم، وانهم مسافرين علشان يصوروا مسرحية إن شاء الله في 14 مارس في السعودية.
واختتم: "بعمل مسلسل حاليا مع حسين فهمي ومصطفى فهمي وعفاف شعيب، ودى مش أول مرة أمثل لأنى مثلت مع فطاحل منهم: عمر الحريري، احمد زكي، نور الشريف في فيلم أرزاق يا دنيا في السبعينات، و توت توت مع نبيله عبيد، وهمثل في حالة وجود ورق حلو".
