عرض الإعلامي رامي رضوان، تقريرا عن مبادرة شبابية باسم "حلمنا ضحكتك"، وهي عبارة عن فريق شبابي قوم بإعداد وتوزيع الوجبات على مرضى المستشفيات بالقاهرة، وهي مبادرة تستهدف تخفيف المعاناة على المرضى ومرضى وتقديم المساعدة لهم وتقديم الطعام والدواء لهم.
وقال أحد الشباب المتطوعين في المبادرة، خلال التقرير، الذي أذيع ببرنامج "مساء dmc" الذي يذاع على قناة "dmc": "إحنا مجموعة شباب وبنات، حسينا بمعاناة ناس كتير، وحبينا ننزل ونساعدهم ونقدملهم أبسط الحقوق، إحنا بنعمل وجبات لمرضى الجزام والمرضى بشكل عام، وحابين نكون جنبهم ونقدملهم الطعام والدواء، وبنخصص كل يوم لمستشفى معينة".
وقال: "الوجبات نقوم بتجميعها من خلال متطوعين وناس عادية، بنجهز من 150 وجبة لـ 200 وجبة، فراخ وكفتة، وبنجهز بطاطين لمساعدة الناس الغلابة، عاوزين كل مصر كويسة وميكونش في حد جعان أو محتاج حاجة، إحنا عاوزين كل الناس تعمل زيينا، اللي عنده أكل في بيته ومش محتاجه ليه مينزلش يساعد الناس، في ناس كتير محتاجة".
