قالت الإعلامية شريهان أبو الحسن، إن عدد الآباء والأمهات الذين اتفقوا على أسلوب تربية واحد لأبنائهم ليس كبيراً في مجتمعنا، مشيرة إلى أن عدم الاتفاق على أسلوب تربية ليس خطراً على الطفل فقط، وإنما يمثل خطورة على العلاقة الأسرية وبين الأم والأب.
وأضافت خلال برنامج "راجل و2ستات" الذي يذاع على قناة "on": "هذا السبب وسبب الخلاف على أسلوب التربية، هو رابع سبب حول العالم من الأسباب التي تؤدي للطلاق، هو رقم 4 في إن الأب والأم ينفصلوا ويلجأوا للطلاق، والحقيقة إني عارفة إن كتير من الناس هتقول إن كل واحد جاي من ثقافة معينة واتربى بطريقة معينة، وكل واحد عاوز يثبت إن أسلوبه هو الصح".
وتابعت الإعلامية شريهان أبو الحسن: "هما عاوزين يطبقوا تربيتهم اللي اتربوها من 30 سنة فاتت على أولادهم دلوقتي، فلما تيجي تقوليله أنت ليه عملت كدة، فيكون الرد ما أنا اتربيت كدة، أنا راجل أتجوز وخلف وفتح بيت، وبيبقى شايف إن تجربته تجربة مثالية، يعني هما اتفقوا على النيش والصيني وما اتفقوش على تربية الولاد".
