"شغل عالى" يكشف عن أشهر المصطلحات للموظف البائس على شباك الخدمة

عرض برنامج "شغل عالى"، الذى يعرض على قناة cbc، وتقدمه الإعلامية دينا عبد الكريم، تقريرا مفصلا عن الموظف البائس وأشهر مصطلحاته على شباك تقديم الخدمة.

وكشف التقرير عن أهم المصطلحات التى يقولها الموظف للمواطن عند طلب تقديم الخدمة له على شباك الخدمات ومنها: "فوت علينا بكره واطلع لمدام عفاف فى الدور الخامس"، وأن هذه الجمل من الممكن أول ما نسمع من موظف بتيجى فى بالنا كل المشاعر السلبية لصورة شخص بائس؟، ولن تصدق أن الصين عملت أشياء كثيرة عشان تتغلب على ده. 

وقال التقرير: "الجيش الصينى قرر تدريب 10 آلاف حمام زاجل عشان يكونوا موظفين فى الجيش وقت الحرب ومع انقطاع التواصل.. تم تدريب الحمام عشان ينقل الرسائل"، وأوضح التقرير أن الموظف مش كلمة وحشة ولكن له دور ومهام ودوره مهم". 

وقالت الإعلامية دينا عبد الكريم: "مين فينا مابيقولش لنفسه باستمرار انت فاشل عشان ماقدرش يوصل لحاجة معينة من أول مرة، وكلمة يا فاشل يا فاشل جملة كلنا بنقولها لنفسنا تقريبا كل يوم رغم أنها اتقالت فى سياق كوميدى، ولكن لو سألت نفسك أنا ليه حاولت ومعرفتش هتقدر تعرف السبب وتحولة لنجاح".