"اتجوزت 3 شهور بس، وكنت مخطوبة قبلها من حب عمرى ومات قبل فرحى بيوم، ومحدش بيعاكسنى حاليا فى الشارع.. بهذه الكلمات حكت الفنانة حورية فرغلى عن تجربتها السابقة فى الزواج والحب".
وعن علاقتها بالفنان هيثم أحمد زكى قالت حورية فى تصريحات تليفزيونية: قابلته فى بروفات "كف القمر"، وارتبط بيا عاطفيا، بس ماكنش ينفع لأنى أكبر منه بـ6 سنين وأنا مقدرش، وآخر مرة اتكلمت معاه وبعدها مكلمتوش تانى قالى باى باى يا طنط، وأخدت كلمة طنط دى جامد قوى وما كنش بيهزر وكانت خناقة وأنا قولت أوكيه خلاص.
كما روت حورية حكاية أغلى حصان اشترته قائلة: كنت أحسن فارسة فى الوطن العربى واشتريت حصان بمليون جنيه إسترلينى بما يعادل 20.5 مليون جنيه.
وعن علاقتها بشقيقاتها، قالت: "عندى أختى مش من أمى قاطعتنى وعندى أختين الأولى معاشرتها صعبة وربنا يهديها والتانية دى حبيبتي وصحبتى".
وأكدت حورية فرغلي أنها لم تحقق ثروة مالية من شغلها رغم أنها كانت تحصل على أجور مرتفعة بسبب أنها مسرفة.
