انتهى الفنان أحمد صلاح حسنى من تصوير لقاء مع برنامج "لايت شو" الذى يذاع على قناة الحياة، وتقدمه المذيعتان أميرة عدلى وآية الغريانى، وتحدث من خلاله عن سبب غيابه عن موسم رمضان العام الحالي، وتحضيراته لفيلم جديد، كما كشف عن أمنيتته عن خوضه تجربة المسرح.
برنامج "لايت شو" يُعرض أيام الخميس والجمعة على فضائية الحياة الساعة العاشرة مساء، ويتضمن البرنامج عدة فقرات، حيث يستعرض البرنامج كل ما يخص عالم الفن، فضلاً عن التطرق لأخبار السينما والدراما وكواليس تصوير الأعمال الفنية، بالإضافة إلى استعراض اللقاءات الفنية وأخبار السينما العالمية، والسوشيال ميديا والموضة والفاشون، وغيرها.
حل أحمد صلاح حسنى مؤخراً ضيفاً خلال حلقة من برنامج "سهرانين" للنجم أمير كرارة، المذاع على قناة ON، وتحدث أحمد صلاح حسنى عن العديد من الأمور الفنية والشخصية وتطرق لأكل اللحوم وروى موقف حدث له فى ألمانيا قائلاً:"أكلت لمدة شهرين أو اكتر لحم حمير في المانيا وكنت باكل ساندوتش زى الهوت دوج، وكنت بعشق الساندوتش ده وكل يوم باكله، واختى وأمى جم يزورونى، فقلتلها هأكلك ساندوتش عالمى، المهم روحنا وبصت في الساندوتش فراحت سالت الراجل هو ده لحم إيه قالها لحم حمير.
وتحدث أحمد صلاح حسنى عن كواليس عمله بالتلحين مع حماقى وعمرو دياب قائلا: "عملت أغانى كتير مع حماقى وشغلى معاه شيء ممتع لأنه صديقى وصاحبى جدا وشبه بعض في التفكير ومش بنختلف في المزيكا واللى بيعجبنى بيعجبه".
وتابع أحمد صلاح حسنى، عملت أغنية مع حماقى من كلمات أمير طعيمة اسمها مش قادر انسى، والأغنية دى لها قصة كنت مشغول جددا في التصوير وحماقى مشغول في تحضير الألبوم ومش عارفين نتقابل خالص، لأننا كنا عاوزين نعمل أغنية ومفيش وقت خالص، ولما اتقابلنا في مرة قالى أنا عامل جملة ومش عارف أعملها دخول وهو جرب كذا شخص ومعجبهوش، فقلتله طيب ولما شغلها حسيت إنها أغنية بتضحك، وروحت قايل دخلة الأغنية، ولما عجبته راح قايل غناها وأمير طعيمة كتب كلمات الأغنية في يومين وعملنا اللحن والأغنية عجبت الناس.
وعن عمله مع الهضبة عمرو دياب قال، كنت لسه في بداية فكرة التلحين ولقيت أمير طعيمة بيكلمنى وبيقولى أغنيتك لحنها عاجب الهضبة اللى هي أغنية "أنا معاك برتاح، وراح قالى خد كلم الهضبة وبعد ما كلمنى قالى سمعهانى كدة لأن الأغنية خطيرة في التليفون وتعالى اقعد معانا وانت جاى سمعهالى، وعجبته جدا وعقبال لما روحت لقيتهم بدأوا يوزعوها.
