عرض برنامج راجل و2 ستات ، تقديم الإعلامية شريهان أبو الحسن والفنانة هيدى كرم والفنان سامح حسين المذاع على قناة on، رسائل تهنئة من أبنائهم على الهواء بمناسبة عيد الأم.
وعلقت الإعلامية شريهان أبو الحسن: "روح قلبى حلو قوى الفيديو وفرحانة قوى.. ومفاجأة حلو بجد.. احنا مش عاوزين غير تقدير وحب وتعبير عن المشاعر والحب.. من الأب والزوج والأولاد ولازم الراجل يبين الاهتمام ويبقى حريص على كده لأن الحمل تقيل عليها، والكلامات دى بتهون عليها الأم".
وقالت الفنانة هيدى كرم: "فى المدرسة كنا لازم نعمل كارت المعادية بيدينا ونقدمه لماما فى يوم عيد الأم".
وعرض فيديو لأدهم ابن الإعلامية شريهان أبو الحسن يقدم تهنئة على الهواء بمناسبة عيد الأم :" كل سنة وانتى طيبة ياماما.. وأنتى أحسن حاجة فى حياتى كلها.. بحبك قوى".
وعرض فيديو لنديم ابن الفنانة هيدى كرم يقدم تهنئة على الهواء بمناسبة عيد الأم:" كل سنة وأنتى طيبة يا أمى وانتى أطيب واحن أم فى الدنيا وربنا يخليكى ليا وميحرمنيش منك.. أنتى عارفة بحبك قد أيه".
وناقش برنامج راجل و2 ستات، المذاع على قناة on، أهمية الأم فى حياتنا، بمناسبة عيد الأم، والتأكيد على أن الأم القلب الطيب اللي احتوانا بحنانه وعطفه بنقولها كل سنة وانتي طيبة، ويقدم البرنامج كل من الإعلامية شريهان أبو الحسن، والفنانة هيدى كرم، والفنان سامح حسين.
