الرئيس السيسي: بنعمل صوامع تانى وهنتوسع في زراعة مليون فدان خلال سنتين
الرئيس السيسى: على عينى اللى إحنا فيه وربنا يقوينا
الرئيس السيسى: "اللى هيخفف عن حد ربنا هيخفف عنه"
الرئيس السيسى: الست جيهان وزيها عشرات الألوف حاسس بيهم وبجرى على قد ما أقدر
قال الرئيس عبد الفتاح السيسي خلال مداخلة ببرنامج من مصر: بنتكلم على دولة بنظام الدولة عندنا تكافل وكرامة داخلة في 3.7 مليون أسرة، والمبلغ اللى بنديهولهم مش كبير لكن على بعضه حوالى 19.5 مليار جنيه.
وأضاف الرئيس السيسى، خلال مداخلة هاتفية ببرنامج من مصر، المذاع على قناة سى بى سى: بنحاول نزود أكثر وفى إجراءات هتُعلن خلال اليوميين الجايين خاصة بإجراءات حماية اجتماعية أخرى لمواجهة تطورات عالمية أخرى ليست خاصة بنا ولكن تأثيرها علينا.
وقال الرئيس عبد الفتاح السيسي :هل في مشاكل أكثر من كده أكيد بس على الأقل اللى أشوفه أساعد في حالته وأتمنى إن كلنا كمصريين ومسئولين نبقى عارفين اللى هيخفف عن حد ربنا هيخفف عنه.
وأضاف الرئيس السيسى، خلال برنامج من مصر، المذاع على قناة سى بى سى: كلنا هنقف قدام ربنا يمكن كلمة أو شفاعة من الحاجة جيهان أو الحاجة محروسة أو أي حد تانى تكون شفاعة طيبة وتقول لما شافنا حاول يحل مشكلتنا او يساعدنا.
وقال الرئيس عبد الفتاح السيسي : ربنا وحده اللى يعلم إحنا بنعمل ده مع الناس كلها، ما نسيبش حد محتاج أو محووج بس إحنا ظروفنا صعبة أوى.
وأضاف الرئيس السيسى، خلال برنامج من مصر، المذاع على قناة سى بى سى: خلوا الناس الطيبة تدعى إن ربنا يفرجها علينا ولما يفرجها علينا هنفرجها على الناس كلها مش هنسيب حد.
وقال الرئيس عبد الفتاح السيسي إن الست جيهان منصور لما تقول عاوزة أكلمه لازم أكلمها بعد كل اللى انتى عملتيه اتفضلى اتكلمى وأنا اللى بشكرك على اللى إنتى عملتيه وطلبت من الرئيس مشروع ورد عليها من عينى حاضر.
وأضاف الرئيس عبد الفتاح السيسي خلال مداخلة ببرنامج من مصر المذاع على قناة سى بى سى: الست جيهان عاوز أقولك على حاجة وعاوزك ما تسيبيش عيالك وبشكرك على اللى ربتيهم وبتربيهم وزوجتيهم وأجرك كبير أوى عند ربنا علشان كده أى حاجة بتطلبيها ربنا بيحققهالك وكان صعب عليا قوى إنى أسمعك بتقول عاوز أكلمك وما أكلمكيش.
وتابع الرئيس عبد الفتاح السيسي: ما أقدرش أبدا أتجاوز أى حاجة تيجى قدام عينى ما أقدرش علشان هتحاسب من ربنا -سبحانه وتعالى- إنى شوفت وطنشت طيب، وكان صعب عليه أن أسمع إنك عايزة تكلميني ومقدرش.
وقال الرئيس عبد الفتاح السيسي، "عدد سكاننا طول ما هو بيزيد المشكلة دايما هتبقى صعبة، وده عاوز توفيق كبير من ربنا".
وأضاف الرئيس السيسى، خلال برنامج من مصر، المذاع على قناة سى بى سى، قائلا "يمكن لما بكلم الناس في الشارع لا أتعرض لهذه المشكلة لأن حد بيشكيلى همه وبحاول أخفف وخلاص وبسمع، لكن مش هقوله أولادك قد إيه".
وقال الرئيس عبد الفتاح السيسي: إحنا ما وراناش غير كده، الحاجة جيهان وغيرها عشرات الألوف، فى كثير إحنا مش شايفينهم أو صوتهم ما بيوصلناش لكن ربنا يعلم إنى أنا شايفهم وحاسس بيهم وبجرى على قد ما أقدر.
وأضاف الرئيس السيسى، خلال برنامج من مصر، المذاع على قناة سى بى سى: جهد الدولة ده أقصى ما يمكن عمله، ولكن أقصى ما يمكن عمله غير كاف، عاوزين نكون أمناء مع قضيتنا مواردنا ودخلنا مش على قد عددنا، حتى مرتبات الناس ودخلهم لا يتناسب مع حياة كريمة، ولكن الدنيا ماشية إحنا بنبذل أقصى جهدنا علشان نعدل أوضاعنا ويبقى فى شغل فى البلد.
وقال الرئيس عبد الفتاح السيسي: "النهاردة بنتكلم فى أسعار قمح ووقود وأزمات كبيرة، والعالم متصل ببعضه وتأثيرات هذه الأمور بتكون على الكل، ولسه خارجين من كورونا، ولكن ربنا أراد أنه يكون فيه أزمة ثانية، وربنا يعديها على خير".
وأضاف الرئيس السيسى، خلال برنامج من مصر، المذاع على قناة سى بى سى، قائلا، "اللى عاوز أقوله للناس إحنا بخير، والأمور ماشية كويس، وعندنا الأساسيات المطلوبة متوفرة، ومتوفرة كويس، وبعدد شهور مناسب، وهذا ما حرصت عليه".
وقال الرئيس عبد الفتاح السيسي: هل النقطة هى فقط توفير السلع الأساسية للناس ولا تحسين حياة الناس، فى الحقيقة عاوزين نعمل الاتنين فى التعليم والصحة والتشغيل.
وأضاف الرئيس السيسى، خلال برنامج من مصر، المذاع على قناة سى بى سى: حتى المشروعات التى نعمل بها حاليا علشان توفر فرص تشغيل لكل الناس يلاقى حاجة أخر النهار يخش بيها على أولاده.
وقال الرئيس عبد الفتاح السيسي، إنه حرص على أن يكون الاحتياطى كافيا لمدة 3 أو 4 أشهر علشان لو أخدنا اى إجراء نعمله خلال هذه الأشهر الحمد لله ما عندناش أى نقص فى السلع، والموضوعات دى هييجى علينا وقت نتكلم فيها بشكل أكبر.
وأضاف الرئيس السيسى، خلال برنامج من مصر، المذاع على قناة سى بى سى: الصوامع بتحافظ على حوالى من 15 إلى 20 % من القمح وكثير من الناس كانت بتقول ليه يعنى إنتوا بتصرفوا كتير على الحاجات دى.
وتابع الرئيس السيسى: عملنا حاجة آدمية ما فيش قوارض ولا حشرات ولسه بنعمل صوامع تانى وهنتوسع فى زراعة القمح خلال السنتين حوالى مليون فدان.
وقال الرئيس عبد الفتاح السيسى، إن حجم العمل الموجود فى البلد هو الذى أتاح لى الفرصة إنى أضخ أموالا لناس.
وأضاف الرئيس السيسى، خلال مداخلة هاتفية مع برنامج من مصر، المذاع على قناة سى بى سى: أنا مش قادر أوصلها مش هشوفها بوصلها من خلال الشركات المعينة وبتجيب ناس تشتغل على عينى اللى حنا فيه وربنا يقوينا جميعا.
