انتقدت الاعلامية لميس الحديدي، حالة الأسواق المصرية، مؤكدة أنها حالة فريدة من نوعها، حيث إن الأسواق تشهد حالة من إعادة التسعير في كل منتج دون معرفة أي سبب.
وأضافت "الحديدي"، خلال تقديمها برنامج "كلمة أخيرة"، المذاع على فضائية "ON": مش عارفين ليه كده؟ كل المنتجات يتم إعادة تسعيرها فجأة، وبدون سابق إنذار حركة البيع والشراء في قطاعات كثيرة متوقفة تقريباً، وفيه سلع كثيرة جداً من السيارات والاجهزة الكهربائية وكل شيء.. ليه كل ده حصل لان التجار فجأة قرروا البيع بالأسعار الجديدة، مهما قالولك مش هنبيع ومش هنغلي الأسعار الجديدة ستفاجئون أن المعروض في الأسواق قليل جداً عشان بس يعيد التسعير".
وتابعت الإعلامية لميس الحديدى: "ليه ياعم هو أنت استوردت بالدولار الجديد؟، هو إيه إلي حصل الدولة حافظت على الدولار الجمركي عند 16 جنيه؟!.. طيب ما تبيعوا المخزون اللي عندكم، وبيع للناس سواء سيارات أو أجهزة كهربائية بالسعر القديم.. وفكرة أنك تبيع المخزون اللي عندك من غير استيراد بالأسعار الجديدة مش عارفة اسميه إيه؟.. والحقيقة مش عارفة مين المسؤول عن ضبط هذا النوع من السلوك لاننا بنتكلم عن أجهزة متنوعة لازم يبقى فيه ضبط لفكرة توقف بيع المخزون المستورد بالاسعار القديمة.
