الرئيس السيسي: "المرأة سبب أصيل فى حالة النجاح اللى بنعيشها"
الرئيس السيسي: "أنا واحد من المجتمع بسمع وأشوف الست بتعمل إيه"
الرئيس السيسى: والله والله والله البلد دى كانت على وشك السقوط وربنا حافظ عليها
الرئيس السيسى: مشروع زيادة تخزين القمح ساهم فى توفير 5.5 مليون طن دون فاقد
الرئيس السيسي: داخلين على شهر رمضان.. كل حاجة متوفرة واعملوا اللى عايزينه
الرئيس السيسى: "الوقود متوافر فى المحطات رغم ارتفاع أسعاره عالميا"
الرئيس السيسي: "الجيش بيوفر كميات كبيرة من السلع بنصف السعر"
الرئيس السيسي عن انتحار فتاتين بسبب صور مفبركة: أرواح الأبرياء دى فى رقابنا
الرئيس السيسي: "لما الراجل يكلم الست يحط إيده ورا ظهره"
الرئيس السيسي: الدولة مش خصم.. وإزاى نقبل حد يؤلم سيدة بنظرة فى الشارع
الرئيس السيسي يوجه الحكومة باتخاذ عدة إصلاحات لتعزيز مكانة المرأة
الرئيس السيسى: والله أنا ما رئيس والسفرة بتاعتى عادية جدا ومش بأكل من الجنة يعنى
الرئيس السيسي: "وأنا وزير دفاع وبنجهز للحفلات كنت بقول لهم كفاية طبق واحد"
الرئيس السيسى عن قضايا الطلاق: يا ترى إحنا هان علينا عيالنا؟
استهل الرئيس عبدالفتاح السيسي، احتفالية المرأة المصرية بتقديم الشكر والعرفان والتقديرات لسيدات مصر، وقال الرئيس السيسي، "إن يوم المرأة المصرية هو يوم جميل خالص إن احنا نحتفل بالأم والأخت والابنة المرأة المصرية".
وأضاف الرئيس السيسي خلال كلمته في احتفالية المرأة المصرية: "مش قادر أقولكم يعنى لقاءي مع السيدات الفضليات الكريمات اللى التقيت بيهم في التكريم واللى مشوفتهومش وهما في كل بيت مصري نقولهم متشكرين ومقدرين بوجهلهم التحية والتقدير والاحترام".
وتابع الرئيس: "اسمحولى أقولكم حتى السيدات اللى مش موجودين معانا دلوقتي وعند ربنا سبحانه وتعالى ندعو الله أن يتغمدهم برحمة بحق كل حاجة حلوة عملوها وكل سهرة وهدمة غسلوها وحق كل أكلة صنعوها وحق كل دعوة هما دعوها، ربنا يارب ، هما ضيوف عندك وأكرمونا كلنا ، وبقوا في دار الحق فتفضل عليهم بكرمك وعطفك ورحمتك.. يوم جميل ان احنا نتذكر الفضليات الكريمات العظيمات اللى هما نبع العطاء".
وأشاد الرئيس عبد الفتاح السيسي، بدور المرأة المصرية في نجاح برنامج الإصلاح الاقتصادي، مشددا على انه لولا هذا البرنامج لأصبح وضع مصر صعبا.
وقال الرئيس: "بفضل الله ولولا هذا الموقف والإجراءات اللى اتعملت خلال السنتين اللى فاتوا والأزمة العالمية اللى بنعيشها صدقوني لو مكنش هذا البرنامج وُفقنا فيه كان هيبقا موقفنا صعب قوى في اللى احنا بنعيشه دلوقتي".
وشدد الرئيس عبد الفتاح السيسي، على أن المرأة المصرية العظيمة تدعم وما زالت دعما وظهيرا لوطنها، مشددا على أن قوة المرأة المصرية هي التي صنعت مجد هذا الوطن.
وأضاف الرئيس:" المرأة رمز العطاء والتفاني والتضحية المتجردة من أى مصلحة، فهي سر الحياة وأقولها صريحة أن انحيازى للمرأة المصرية هو عن قناعة تامة وإيمان حقيقي بان احترام المرأة وحمايتها وتمكينها واجب وطني والتزام سياسى، وليس هبة أو منحة، بل حق أساسي لها وعلينا جميعا ان نتخذه منهج حياه فبدون ذلك لن يتحقق أى نجاح منشود".
وقال الرئيس السيسي: "إن المرأة كانت سببا كبيرا وأصيلا لحالة النجاح اللى احنا بنعيشها ومكونتش ببالغ، خلال الأحداث اللى في العشر سنين اللى فاتت كانت المرأة محركة وصانعة للأحداث.
وأضاف الرئيس: "لما جينا في برنامج الإصلاح الاقتصادى وبدعمها مررنا ظروف قاسية مرت على الوطن والشعب المصري كله بدعمها ومساندتها، ولولا هذا الدعم، الراجل موجود محدش يفهمني غلط ما أنا راجل برضه.. لكن افتكروا المرأة، افتكروا بإنصاف، أى زوج يفتكر بإنصاف زوجته بتعمل إيه؟، يتفكر كل ابن بإنصاف والدته بتعمل إيه ؟، هنجد أنها أعطت كثيرا جدا".
وقال الرئيس عبد الفتاح السيسي، إن توفيق الله سبحانه وتعالى السبب الرئيس في تحقيق نجاح قرارات الإصلاح الاقتصادي، مضيفا: " الناس ممكن تاخد قرارات كتير لكن يبقى في النهاية توفيق ربنا ودعمه للقرار هو ده الأساس والناس مستعدية تاخد قرارات طول الوقت لكن لما ربنا يوفق والناس تساعد معانا، الناس ساعدت، بتكلم على ست البيت اللى هي مطلوب منها تاكل وتشرب وتلبس هي اللى ساعدت مع الوطن، ولما أسجل ده وأقوله أنا واحد من الناس متعتبرونيش مسؤول كبير ولا حاجة".
وأضاف الرئيس:" أنا واحد من المجتمع بسمع وأشوف الست بتعمل إيه؟ زى كل بيت من بيوتنا، واللى بيحصل فيها تجد في الاخر الست هي اللى بتشيل بقول بإنصاف.. بتكلم في حالة مش استثناء.
وتابع الرئيس: "بجيب ألف ست ومشكلة في كل بيت مش بقول ان كل الاف 100 % لكن نسبة كبيرة منهم تضحى وتعطى وتساهم اكتر من 80 % يتبقى استثناء ميتحسبش عليه.. عاوز أقول حالة النجاح التي تحققت خلال السنين اللى فاتت، وقسوة الإرهاب والتضحيات اللى اتقدمت فيه أباء بيتالموا لكن الام والبنت والزوجة مش هقول الجناح الضعيف لكن الجناح هي اللى أتألم.
وقال الرئيس عبد الفتاح السيسي، عن جهود دعم الدولة المصرية: "اللى عايز يشكرنى وقد يري أنى عملت أمر طيب يخلي باله من مصر.. والله يعلم ما في نفسي.. اننا نحافظ على الوطن وحياة الـ 100 مليون مصري وانهم يبقوا في امان وسلام.. في ظل الحالة اللى موجودة في العالم حاليا".
وأكد الرئيس عبد الفتاح السيسي، أن قمة الشكر لله أن نحافظ على الوطن، قائلا: دى قمة الشكر لله.. الحق سبحانه وتعالى وأنا لا ابالغ والله لا ابالغ.. والله والله والله البلد دي كانت كده على وشك السقوط.. انا بقسم بالله وسبحانه وتعالى ايده الكريمة الفاضلة خدتها ورجعتها وحافظت عليها.. يا ترى أحنا بقى إيه.. شكر لله أنه نخلي بالنا ونخلي بالنا من الناس.. ونجري عليهم.. ونحاول نيسر أحوالهم ونبني ونعمر".
وأضاف الرئيس السيسي،: "المرأة المصرية مدعوة بأن يكون لها مساهمة جادة وبناءة في مرحلتنا المقبلة في جمهوريتنا الجديدة التى تشهد العديد من المشروعات القومية العملاقة في تاريخنا الحديث.. والمقام الأول فيها الاستثمار في الإنسان".
وتحدث الرئيس عبد الفتاح السيسي عن دور المشروعات القومية الكبرى التي نفذها الدولة المصرية خلال الفترة الماضية، قائلا: "نقاش كتير دائما موجود.. يا تري احنا موجودين والشغل ده.. هل كان له أثار إيجابية ولا كان أثار صعبة.. هقولكم على حاجة.. أحد المشروعات البسيطة جدا.. مشروع قومى لزيادة حجم القدرة على تخزين القمح.. بقي عندنا القدرة على تخزين 5.5 مليون طن قمح.. كان اللى موجود تلت الرقم ده قبل كده.. كان بيعمل ايه.. حطينا فلوس كتير في الموضوع ده.. لقينا تمن اللى بيفقد 20 % من القمح".
وأضاف الرئيس السيسي:"احنا في مصر نقدر نقول بنتداول ما يقرب من 17 -18 مليون طن.. بنتداول 15 مليون أو 10 ملايين طن.. كان فيه منهم 2 مليون طن قمح يفقدوا.. طب دول تمنهم كام ويفقدوا ازاى.. في شون مكشوفة.. وفى مخازن مفتوحة.. ويتعرضوا للفقد.. لما عملنهم وعندنا مخزون القمح 4 شهور".
وشدد الرئيس عبد الفتاح السيسي، على توافر كل السلع الأساسية داخل الدولة المصرية، قائلآ: "مفيش مشكلة بفضل ربنا في أي سلعة أساسية.. حاجتنا موجودة وزيادة وده فضل ربنا علينا.. وجهد الدولة وجهدكم.. موضوع الصوامع مثال.. مستودعات البوتاجاز.. كل دورة شتاء مفيش مكان.. الموانئ مش قادرة تستقبل السفن المحملة وكان الدورة أيام فقط ودلوقتي بقيت شهرين".
وأضاف الرئيس السيسي: "ده اتعمل في ملف مستودعات البوتوجاز.. وكمان تم التطوير في مستودعات للزيوت المستخدمة في طهى العام.. خلاصة الكلام.. كنا محتاجين نتعامل في تحديات ومطالب الدولة بما يتطلب من الحلول العلمية المخططة اللى بتطلبها الدولة".
وتابع الرئيس السيسي: "يعنى ايه دولة فيها 100 مليون.. ده مش حاجة بسيطة.. تنظيم حياة الناس دى من أول السفينة اللى بتجيب القمح لحد رغيف العيش يوصل إليها.. ده على مستوى مصر.. طب في العالم فيه مشكلة كبيرة جدا في سلاسل التوريد نتيجة الازمة الكبيرة اللى الكل متابعها حاليا.. ولها تأثيرات اقتصادية على سعر البترول.. كنا بنتكلم في سعر البرميل من 60- 70 دولار.. دلوقتي سعر البرميل بنتكلم في 115 -120 دولار.. ونتمنى أن الأزمة دى تنتهي سريعا حتى لا يحدث قفزات أخري".
وأكد الرئيس عبد الفتاح السيسي، أن الدولة المصرية لا تعانى من أي نقص في السلع الأساسية أو الوقود رغم ارتفاع أسعار الوقود عالميا، قائلآ: "هل عندنا مشكلة في ده.. هل حد بيروح محطة وقود وبيلاقيه مش موجود.. ده فضل الله علينا.. ونجاحنا في هذا البرنامج.. اللى شهد مساهمة كبيرة فيه".
وتابع الرئيس عبد الفتاح السيسي: قائلا: "احنا داخلين على شهر رمضان.. انتوا حرين اعملوا اللى انتوا عاوزينه.. كل حاجة متوفرة".
وأكد الرئيس عبد الفتاح السيسي، أنه لا يوجد أى مشكلة فى السلع داخل مصر حاليا أو خلال شهر رمضان، متابعا: "لسه الجيش منزل 2 مليون كرتونة.. وممكن ينزل 2 مليون أو 3 ملايين أو 10 أو 20".
وتحدث الرئيس عبد الفتاح السيسي، عن تأكيده على ضرورة عدم الإسراف في الطعام وفى نفس الوقت التأكيد على توافر كل السلع الأساسية، متابعا: "حد يروح طالع على مواقع التواصل ويقول السيسي بيقولنا مش تاكلوا.. كلوا واعملو اللى انتوا عاوزينه".
وأضاف الرئيس السيسي: "والله انا صادق وامين والله يعلم ما في نفسي.. وانا كده في بيتى.. والله أنا ما رئيس.. فيقولك أكيد السفرة بتاعته مختلفة جدا.. بياكل من الجنة يعنى.. وأنا في بيتى بسأل عن الأسعار وتجيبوا دي وتجيبوا دي.. الأهم الإنفاق المناسب المتوازن.. مش معايا كام.. كل سنة وأنتم طيبين".
وأضاف الرئيس السيسي: "احنا عاملين حسابنا لكل حاجة"، موجها حديثه لوزير الدفاع: "الكراتين دى مش بنص التمن.. بلاش نكسب.. نص التمن بس.. مفيش عندنا مشكلة خالص".
وتابع الرئيس السيسي: "إذا كنتم عاوزين مستقبل أفضل وحياة أحسن لازم نراجع الكلام ده.. يادوبك.. يادوبك".
وعلق الرئيس عبد الفتاح السيسي، على حادثة انتحار فتاتين بسبب فبركة صور لهما.
وقال الرئيس السيسي: "تابعت من شهر أو أكتر حادثتين انتحار لبنتين علشان حد فبرك.. المجتمع ينتبه لولاده وبناته ويخلى باله إن أرواح الأبرياء دي في رقابنا، والدراما تنتبه لما تجيب ده في أى مسلسل أو فيلم.. وده مش ضد الإبداع انك تشيد بالحسن.. انت مش عارف تعمل إبداع إلا لما تجيب راجل يضرب مراته أو حد يشتم؟.. حتى لو ده موجود يبقا مرة لكن مش كل مرة".
وطالب الرئيس عبد الفتاح السيسي، من السيدات الموجودات في حفل تكريم المرأة المصرية والأم المثالية بعدم الغضب بسبب عدم إمكانية التصوير أو الحديث معه قائلا: "المكرمات كثيرات جدا.. ويمكن علشان مش عاوزين نقول يضيعوا الوقت ولا حاجة.. بس فيه اتنين من كبار القادة توفيوا والجنازة النهاردة.. ومكنتش عاوز أعلن الخبر ده بعد الاحتفالية.. اتنين من قادة حرب أكتوبر.. الفريق عبد المنعم خليل.. والفريق عبد رب النبي حافظ.. الجنازة النهاردة.. مش تزعلوا".
وأضاف الرئيس السيسي،:"نفسنا نكرم كل السيدات.. كل ست في بيتها بتقوم بجهد كبير اوي اوي.. اللى ينكره جاحد أو ظالم.. انا بتكلم مش زى ما الناس متصورة أننا منحازين.. بنحاول نبقي يعني يقولك.. منحازين.. لا لا.. بنتعامل مع الأمور بتوزان.. واللى بنعمله توازن.. مش انحياز.. مفيش انحياز توازن بس".
وقال الرئيس السيسي:" أود أن أستهل حديثي اليوم بتقديم خالص التحية والتقدير إلى المرأة المصرية العظيمة صانعة مجد الوطن والأساس المتين لبنائه ونهضته منبع الأمل في المحن والشدائد، فكل عام وأنتن عزة الوطن ومصدر قوته.
وأضاف الرئيس: اسمحوا لي ونحن نحتفل بالمرأة المصرية العظيمة أن أدعوكم جميعًا، لأن يكون اليوم وكل يوم فرصة للتعبير عن الشكر والامتنان للمرأة المصرية تقديرًا وإجلالًا لدورها العظيم وتضحياتها الغالية.
وتابع الرئيس: "إنه لمن دواعي سروري وفخري، أن أشهد بينكم اليوم احتفالنا السنوي بالمرأة المصرية العظيمة وسعادتي كبيرة وأنا أتواجد بين هذه النخبة، من عظيمات مصر في شتى المجالات وأؤكد لكم اعتزازي الشخصي، بهذا الاحتفال الذي أصبح تقليدًا عزيزًا أعتبره وسام شرف من الدولة لكل سيدة مصرية، لتعبر خلاله عن جزء يسير من احترامنا لدورها الجليل، كشريكة في الكفاح والنجاح والبناء والعمل.
وعلق الرئيس عبدالفتاح السيسي على قضية الإيذاء البدني للسيدات قائلا: "قلتلكم مرة فى موضوع الإيذاء البدنى.. قلت لما الراجل يكلم الست يحط إيده ورا ظهره ويتكلم كويس .. لما النبى محمد صلى الله عليه وسلم قال "استوصوا بالنساء خيرا".. دي استراتيجية يا جماعة تطلع منها عادات وقيم ومبادئ ودراسات تحقق هذا الأمر.. ومناهج فيها احترام وأدب وذوق وخلق مع المرأة".
وأضاف الرئيس السيسي: "لما يجي حدد يقولى أضرب!! تضرب إيه؟ ده كلام يجوز؟ ميصحش إن حتى حد في الشارع يؤلم سيدة ماشية بنظرة مش بكلمة.. ده كلام عجيب.. ده لازم المجتمع يتوقف أمام هذه النقاط.
وتحدث الرئيس عبدالفتاح السيسي، عن قضية إيذاء المرأة قائلا: "إزاى احنا نقبل إن سيدة تمشى في الشارع وحد يؤلمها بنظرة يبص عليها مش يتكلم.. مش بتكلم في قانون بس.. بتكلم في دراما واعلام ومثقفين مسجد وكنيسة.. إزاى الأدب ده يمارس أدب التعامل بصفة عامة، وأدب التعامل بين الرجل والمرأة؟.. هو معقول تشكيل الرأى العام؟ احنا كلنا مطالبين ..اللى عمل كده ابنى وابنك.. يا ترى شكلنا ده من وهو طفل صغير، انه يخلى باله ميعملش كده؟.
وأضاف الرئيس السيسي: "هل ده موضوع.. مهتمين بالتعليم بس ؟، وماله، لكن احنا كناس مهتمين نصيغ شخصيات أولادنا، ان هو ابدا ميكونش كده، يا ترى ده موضوع مهم في بناء الطفل، ردوا انتوا، متطلوبش من الدولة أمور، وهفكركم بكلمة، قلت الدراما لما جت اشتغلت على إن الدولة خصم، الناس اتحركت تهد الدولة، لكن الدولة مش خصم، وكل إنسان مسئ خصم".
وقال الرئيس: "إيه اللى ممكن تعمله الدولة.. إن انسان مشتغلش كويس في مكتبه او يمشى في الشارع ويرمى حاجة في الأرض.. الدولة مالها.. احنا تخلينا عن ده في البيت والمدرسة، كان محل اهتمام ومتابعة شديدة، وكان الاب بيتقالوا مؤدب ولا معاه أعلى الدرجات العلمية.. كان بيقول مؤدب.. لكن دلوقتي بندور على انه يبقا معاه أعلى الدرجات العلمية.. بقول للمصريين متشتمش ومتغلطش".
وتطرق الرئيس عبد الفتاح السيسي لقضية دور الرعاية، قائلا: "بقول لوزيرة التضامن مهما عملنا في دور الرعاية أفضل؟، ولا الناس دي تكون موجودة مع أسر، قالت لا طبعا، ومهما كانت قدراتنا لن نستطيع أن نقدم رعاية مثل الأسر وييسرنا الشروط اللى كانت موجودة في ها الأمر، ومش عاوزين حد عندنا يبقا مكسور الخاطر والظروف كسرته".
وأضاف الرئيس السيسي: "بنتيح برامج لأسر يكون عندها استعداد للعمل الطيب ده، مش إن الدولة مش عاوزة تقوم بدورها أو تتجاوزه لا، لكن تقديرنا بدراسات علماء الاجتماع والنفس إن الأفضل يكون الطفل والطفلة ينشئ وسط أسرة".
وقال الرئيس: لقد كانت المرأة المصرية العظيمة ومازالت، دعمًا وظهيرًا لوطنها ولن أكون مبالغًا إذا قلت إن قوة المرأة المصرية، هي التي صنعت مجد هذا الوطن فهي رمز العطاء والتفاني والتضحية المتجـردة من أي مصلحة هي سر الحياة وأقولها صريحة: إن انحيازي للمرأة المصرية هو عن قناعة تامة وإيمان حقيقي بأن احترام المرأة وتقدير دورها، وتمكينها وحمايتها، هو واجب وطني والتزام سياسي وليس هبه أو منحة، بل هو حق أساسي لها، وعلينا جميعًا أن نتخذه كمنهج حياة، فبدونه لن يتحقق أي نجاح منشود.
وتابع الرئيس: المرأة المصرية مدعوة أكثر من أي وقت مضى لتساهم كما عهدناها دائمًا مساهمة جادة وبناءة في مرحلتنا المقبلة في جمهوريتنا الجديدة التي تشهد العديد من المشروعات القومية العملاقة في تاريخنا الحديث، والتي تستهدف في المقام الأول الاسـتثمار في الإنسان، ومثلما كان لها الدور الوطني الأكبر، في الحفاظ على هوية الوطن خلال ثورة 30 يونيو، وفي إنجاح جهود الإصلاح الاقتصادي وخلال جائحة فيروس كورونا؛ أعول على قوتها ووعيها وحكمتها كثيرًا في إنجاح المشروع القومي لتنمية الأسرة المصرية، والذي يستهدف الارتقاء بجودة حياة المواطن والمجتمع بأكمله.
وأكد الرئيس السيسي: لقد عاهدت نفسي، منذ أن توليت مسئولية هذا الوطن أن تأخذ المرأة المصرية مكانتها العظيمة التي تستحقها، وإنني على العهد والوعد ببذل كل ما في وسعي لمواصلة مسيرة دعم وتمكين المرأة المصرية وحمايتها عرفانًا بدورها الفاعل في بناء المجتمع وانشغالها بهمومه.
وحول قضايا الطلاق، قال الرئيس: "موضوع الطلاق، عاوز أقول يا ترى احنا كأسر هان علينا عيالنا وأطفالنا بين الراجل والست، هو يقف على موقفه وهي تقف على موقفها بغض النظر عن الموقف صح ولا غلط؟، لكن ده مش تمن مستحق يدفع من جانب الأسرة دى لصالح الابن والابنة، وأتصور ده تمن مش كبير قوى إن نتجاوز نفسى شوية، راجل كان أو ست، من أجل توفير لابني وبنتى بيئة مستقرة راضى مرضى يا ترى ده تمن كبير قوى.
وتحدث الرئيس عبد الفتاح السيسي عن ضرورة الحفاظ على الطعام خلال شهر رمضان، قائلا: "وأنا وزير للدفاع.. كنت بقولهم حطوا طبق واحد.. قولتلهم من فضلكم حطوا طبق واحد.. يبقى فيه فراخ.. اه صحيح والله طبق واحد.. فيه ايه.. كفاية نشوف بعض كده".
وأضاف الرئيس السيسي: "شوفوا البلاد مش بتتعمل بالأمانى.. الدول مش بتطلع لقدام بالأحلام والكلام.. لازم بالجهد والمصابرة والوعى".
ووجه الرئيس السيسي، الحكومة باتخاذ الإصلاحات التشريعية والقانونية، لتتضمن الآتي:
- تحديد إطار داعم لتمكين المرأة في سوق العمل وتحفيز التميز الحكومي والمؤسسي في هذا المجال.
- دعم المرأة من أجل التحاقها بوظائف المستقبل من خلال رفع الوعي لدى الإناث بأهمية ومزايا اتخاذ مسارات مهنية في المجالات: الهندسية والعلمية والتكنولوجيا التطبيقية وتهيئة فرص التعلم والتدريب حول هذه المجالات للفتيات في المراحل الدراسية المختلفة.
- مواجهة جميع أشكال التحرش والعنف والمضايقات والاستغلال وإساءة استخدام السلطة في أماكن العمل.
- الحماية من الإيذاء البدني في نطاق الأسرة صونًا لكرامة المرأة ومكانتها.
- الإسراع في تخصيص المباني المناسبة لتفعيل آليات وسير العمل في الوحدة المجمعة لحماية المرأة من العنف.
- إجراء مزيد من التعديلات على قانون الإجراءات الجنائية فيما يتعلق بالشهود والمبلغين عن جرائم التحرش والعنف وهتك العرض وإفساد الأخلاق مع إفراد عقوبة خاصة في حالة إفشاء سرية البيانات والمعلومات المتعلقة بمثل هذه الجرائم.
- تغليظ عقوبة عدم تسجيل المواليد.
- قيام وزارتي التضامن الاجتماعي والقوى العاملة بالتوسع في مراكز خدمات المرأة العاملة على مستوى الجمهورية وذلك لتقديم خدمات تيسر على النساء العاملات وتعمل على تنظيم وقتهن بين رعاية شئون الأسرة، ومشاركتهن في الحياة الاقتصادية والاجتماعية.
- قيام وزارات العدل والقوى العاملة، والتضامن الاجتماعي والجهاز المركزي للتنظيم والإدارة، بتعديل قانون الخدمة المدنية لمنح الأم الكافلة إجازة رعاية لمدة أربعة أشهر، مدفوعة الأجر وذلك حال قيامها بكفالة طفل أقل من 6 أشهر.
- التوسع في تغطية الأمهات المعيلات، والنساء المسنات، والنساء ذات الإعاقة، القاطنات في المحافظات الحدودية، تحت مظلة شبكات الأمان الاجتماعي.
واختتم الرئيس خطابه قائلا: السيدات والسادة.. مازالت المرأة المصرية تقدم الكثير، وتستحق الكثير فهي مصدر طاقة الوطن وقوته، وثقتي كاملة في أنها ستواصل عطاءها وتفانيها مُتجردة من أية مصالح، وستبذل جُهودها أيضًا كمُواطنة فاعلة مُحبة لوطنها.
عظيمات مصر.. كل عام وأنتن جميعًا بخير.. كل عام وأنتن جميعًا بخير.. كل عام وأنتن جميعًا بخير..
ومصرنا العزيزة الغالية في تقدم وازدهار دائمًا وأبدًا.
تحيا مصر.. تحيا مصر.. تحيا مصر
![احتفالية تكريم الأم المثالية احتفالية تكريم الأم المثالية](https://img.youm7.com/ArticleImgs/2022/3/23/32257-احتفالية-تكريم-الأم-المثالية.jpg)
احتفالية تكريم الأم المثالية
![الرئيس السيسي يشهد حفل تكريم الأم المثالية (1) الرئيس السيسي يشهد حفل تكريم الأم المثالية (1)](https://img.youm7.com/ArticleImgs/2022/3/23/32992-الرئيس-السيسي-يشهد-حفل-تكريم-الأم-المثالية-(1).jpg)
الرئيس السيسي يشهد حفل تكريم الأم المثالية (1)
![الرئيس السيسي يشهد حفل تكريم الأم المثالية (2) الرئيس السيسي يشهد حفل تكريم الأم المثالية (2)](https://img.youm7.com/ArticleImgs/2022/3/23/38107-الرئيس-السيسي-يشهد-حفل-تكريم-الأم-المثالية-(2).jpg)
الرئيس السيسي يشهد حفل تكريم الأم المثالية (2)
![الرئيس السيسي يشهد حفل تكريم الأم المثالية (3) الرئيس السيسي يشهد حفل تكريم الأم المثالية (3)](https://img.youm7.com/ArticleImgs/2022/3/23/32388-الرئيس-السيسي-يشهد-حفل-تكريم-الأم-المثالية-(3).jpg)
الرئيس السيسي يشهد حفل تكريم الأم المثالية (3)
![الرئيس السيسي يشهد حفل تكريم الأم المثالية (4) الرئيس السيسي يشهد حفل تكريم الأم المثالية (4)](https://img.youm7.com/ArticleImgs/2022/3/23/32072-الرئيس-السيسي-يشهد-حفل-تكريم-الأم-المثالية-(4).jpg)
الرئيس السيسي يشهد حفل تكريم الأم المثالية (4)
![الرئيس السيسي يشهد حفل تكريم الأمهات المثاليات الرئيس السيسي يشهد حفل تكريم الأمهات المثاليات](https://img.youm7.com/ArticleImgs/2022/3/23/78564-الرئيس-السيسي-يشهد-حفل-تكريم-الأمهات-المثاليات.jpg)
الرئيس السيسي يشهد حفل تكريم الأمهات المثاليات
![الرئيس السيسي يكرم الكاتبة فريدة الشوباشي الرئيس السيسي يكرم الكاتبة فريدة الشوباشي](https://img.youm7.com/ArticleImgs/2022/3/23/33174-الرئيس-السيسي-يكرم-الكاتبة-فريدة-الشوباشي.jpg)
الرئيس السيسي يكرم الكاتبة فريدة الشوباشي
![الرئيس السيسي يكرم الكاتبة لميس جابر الرئيس السيسي يكرم الكاتبة لميس جابر](https://img.youm7.com/ArticleImgs/2022/3/23/38257-الرئيس-السيسي-يكرم-الكاتبة-لميس-جابر.jpg)
الرئيس السيسي يكرم الكاتبة لميس جابر
![السيسى يكرم الامهات المثاليات السيسى يكرم الامهات المثاليات](https://img.youm7.com/ArticleImgs/2022/3/23/38507-السيسى-يكرم-الامهات-المثاليات.jpg)
السيسى يكرم الامهات المثاليات
![السيسى يكرم الأمهات المثاليات السيسى يكرم الأمهات المثاليات](https://img.youm7.com/ArticleImgs/2022/3/23/29530-السيسى-يكرم-الأمهات-المثاليات.jpg)
السيسى يكرم الأمهات المثاليات
![السيسي يكرم الامهات المثاليات السيسي يكرم الامهات المثاليات](https://img.youm7.com/ArticleImgs/2022/3/23/34190-السيسي-يكرم-الامهات-المثاليات.jpg)
السيسي يكرم الامهات المثاليات
![السيسي يكرم الأمهات المثاليات السيسي يكرم الأمهات المثاليات](https://img.youm7.com/ArticleImgs/2022/3/23/46615-السيسي-يكرم-الأمهات-المثاليات.jpg)
السيسي يكرم الأمهات المثاليات
![تكريم الأم المثالية (2) تكريم الأم المثالية (2)](https://img.youm7.com/ArticleImgs/2022/3/23/53276-تكريم-الأم-المثالية-(2).jpg)
تكريم الأم المثالية (2)
![تكريم الام المثالية تكريم الام المثالية](https://img.youm7.com/ArticleImgs/2022/3/23/33649-تكريم-الام-المثالية.jpg)
تكريم الام المثالية
![تكريم الأم المثالية تكريم الأم المثالية](https://img.youm7.com/ArticleImgs/2022/3/23/34995-تكريم-الأم-المثالية.jpg)
تكريم الأم المثالية
![تكريم الأم المثاليه تكريم الأم المثاليه](https://img.youm7.com/ArticleImgs/2022/3/23/49796-تكريم-الأم-المثاليه.jpg)
تكريم الأم المثاليه
![تكريم الأمهات تكريم الأمهات](https://img.youm7.com/ArticleImgs/2022/3/23/35125-تكريم-الأمهات.jpg)
تكريم الأمهات
![تكريم الرئيس السيسي تكريم الرئيس السيسي](https://img.youm7.com/ArticleImgs/2022/3/23/37500-تكريم-الرئيس-السيسي.jpg)
تكريم الرئيس السيسي
![حفل تكريم الأم المثالية بحضور الرئيس السيسي (1) حفل تكريم الأم المثالية بحضور الرئيس السيسي (1)](https://img.youm7.com/ArticleImgs/2022/3/23/44505-حفل-تكريم-الأم-المثالية-بحضور-الرئيس-السيسي-(1).jpg)
حفل تكريم الأم المثالية بحضور الرئيس السيسي (1)
![حفل تكريم الأم المثالية بحضور الرئيس السيسي (2) حفل تكريم الأم المثالية بحضور الرئيس السيسي (2)](https://img.youm7.com/ArticleImgs/2022/3/23/30797-حفل-تكريم-الأم-المثالية-بحضور-الرئيس-السيسي-(2).jpg)
حفل تكريم الأم المثالية بحضور الرئيس السيسي (2)
![حفل تكريم الأم المثالية بحضور الرئيس السيسي (3) حفل تكريم الأم المثالية بحضور الرئيس السيسي (3)](https://img.youm7.com/ArticleImgs/2022/3/23/62844-حفل-تكريم-الأم-المثالية-بحضور-الرئيس-السيسي-(3).jpg)
حفل تكريم الأم المثالية بحضور الرئيس السيسي (3)
![حفل تكريم الأم المثالية بحضور الرئيس السيسي (4) حفل تكريم الأم المثالية بحضور الرئيس السيسي (4)](https://img.youm7.com/ArticleImgs/2022/3/23/30895-حفل-تكريم-الأم-المثالية-بحضور-الرئيس-السيسي-(4).jpg)
حفل تكريم الأم المثالية بحضور الرئيس السيسي (4)
![حفل تكريم الأم المثالية بحضور الرئيس السيسي (5) حفل تكريم الأم المثالية بحضور الرئيس السيسي (5)](https://img.youm7.com/ArticleImgs/2022/3/23/33770-حفل-تكريم-الأم-المثالية-بحضور-الرئيس-السيسي-(5).jpg)
حفل تكريم الأم المثالية بحضور الرئيس السيسي (5)
تم أضافة تعليقك سوف يظهر بعد المراجعة