ظهر الشيخ خالد الجندى، عضو المجلس الأعلى للشئون الإسلامية، بعدد كبير من الكتب الدينية على الهواء مباشرة، خلال تقديمه حلقة اليوم من برنامج "لعلهم يفقهون"، وقال: "شايفين المجلدات دى، أنا جبتها من مكتبى عشان كلنا نفهم، ونرد على الجهلاء وتجار الدين، دى الموسوعة الفقهية، دى شارك فى كتابتها كل علماء الأمة على مستوى العالم، عشان تعرف إن الكلام أنا مش جايبه من عندى".
وتابع الجندى، في حلقة برنامج "لعلهم يفقهون"، المذاع عبر فضائية "dmc"، اليوم السبت: "أنا جايب الكتب دى عشان أرد على العائلة الحوينية اللى بتحرم البيض والفسيخ، وكمان بتحرم فوائد البنوك، اللى مش بيقرأ ولا فاهمين حاجة وبيتاجروا بالدين، النهارده لهم فضيحة أنا جايب الكلام أهو من كتب لعلماء المسلمين".
وبدأ الجندى يقرأ من بعض صفحات الكتب التى أمامه، ليؤكد أن فوائد البنوك حلال وليست حراما، وأن المصريين أموالهم حلال من فوائد البنوك".
وأشار الشيخ خالد الجندى، عضو المجلس الأعلى للشئون الإسلامية، إلى أن المصريين لا يتناولون أموالا حراما من فوائد البنوك، مثلما تحاول بعض الجماعات الضالة ترويجه، لافتا إلى أنه طبقا لإباحة ربا الفضل عند ٩ من الصحابة والتابعين، فوائد البنوك حلال.
وأكمل: "اللى بيقرأ ويسهر غير لما واحد جاهل يتكلم وهو مش فاهم بيقول إيه، امبارح شوفت واحد من اللى هربانين، بيقول بمنتهى الوقاحة، قال رسول الله صلى الله عليه وسلم، كل قرض جر نفعا فهو ربا، فأنا بقوله له ده مصيبة، الجاهل ده لازم يفهم إن ده مش حديث ده كلام واحد اسمه فضالة بن عبيد الله، أهى دي مفاجأة له واحد ولا قرأ وبيجادل، يعنى جاهل وبيجادل".
