قالت السيدة أمينة خليل التى تعمل بمهنة مكوجى للإنفاق على 6 أبناء، ربنا يخلى لينا الريس الذى أتاح لنا فرصة اننا نوصل صوتنا والناس تسمعنا.
وأضافت خلال مداخلة هاتفية ببرنامج من مصر مع الإعلامى عمرو خليل: هناك محاكم بين وبين زوجى وهناك محاكم ويعتبر منفصلين وهو ليس لديه إمكانية الإنفاق على الأطفال لأنهم 6 أطفال وقال إن الشيلة ثقيلة وقال انه ما عندوش مقدرة انه ينفق عليهم.
وتابعت: كنا بناكل طقة واحدة فى اليوم سواء هو موجود أو مش موجود وهو كان بيشتغل مكوجى وكان دايما يقولى انا مش قادر اطلع اشتغل برا، معايا اية فى الثانوية العامة عاوزة تطلع مدرسة تاريخ.وعندى ليلى عاوزة تطلع مصممة أزياء وريم عاوزة تطلع محاسبة وهى شاطرة فى الحساب جدا ودنيا فى ثالثة ابتدائى وفى ولدين أصغر.
وأكملت أنا عاوزة مكان اقعد فيه ومحل يكون فى بضاعة انا معرضة إنى أنطرد فى الشارع لأن مش معانا عقد ومش بقدر ادفع الايجار كل شهر وعندى 3 أولاد لديهم إصابات فى الأقدام من قلة الأكل، عاوزة أوصل رسالة للريس وكان نفسى اسمع صوته يا باشا ربنا يعينك ربنا يبارك أنا معايا 6 ومش معايا مصاريف ودروس انا عارفة انك مش بتنام وبتحمى بلد من الداخل والخارج وكان نفسى اسمع صوتك.
تم أضافة تعليقك سوف يظهر بعد المراجعة