أجابت الفنانة نهال عنبر، على سؤال " إزاي تحسسي جوزك إنك شاكه فيه؟"، خلال حلقة اليوم الأربعاء، من برنامج "راجل و2 ستات" المذاع عبر قناة ON، قائلة: "أرمي لمرات صاحبه اللي هتقوله، وأقولها أنا واثقه فيك جدا، ولكن شامه ريحة مش عجباني، وأقولها أنا مش عايزه أشك إن فيه واحدة تانية علشان أنا بأثق فيه، بس طريقته محسساني إن فيه حاجة مش مظبوطة".
أضافت نهال عنبر: "لازم أكون حريصة جدا في الرسالة اللي بتوصليها، ولازم تيجي باللفة دي، لأنك لو واجهتي، ممكن تلاقي راجل بجح ويقوله أيوه ولو عاجبك وهتجوزها، ولو راجل مش بجح هينكر.. انتي بقى هتعملي إيه".
وأكملت: "ممكن أي واحدة تانية غير مرات صاحبه، ممكن قريبه، مرات قريبه، مرات أخوه، وواحدة تكون شايفه إنها هتوصل الرسالة ليه، تروح رامية الكورة وتسبيها في ملعبه، وهو على الفور لو فيه واحدة بينهي وبيرجع بيته جري وبيخاف جدا على علاقته ببيته ورامته طالما هو عايز الكيان موجود".
من جانبها قال الفنانة هيدي كرم: "ممكن فيه رجالة مش بتستجيب لفكرة قصصي ريشه، وممكن الزوج ينفر زيادة علشان لو انتي كزوجة ضغطتي عليه هينفر زيادة منك خاصة لو كان الموضوع متعلق بالفلوس".
