ناهد السباعى: معندناش أفلام للمرأة كتير لأننا فى مجتمع ذكورى

الأحد، 06 مارس 2022 02:23 م

ناهد السباعى وكمال رمزى فى ندوة تكريم اسم هدى سلطان

جمال عبد الناصر - سارة صلاح

اضف تعليقاً واقرأ تعليقات القراء

قالت الفنانة ناهد السباعى: "جدتى هدى سلطان احترمت عمرها وكل أدوارها، وأنا شخصيًا مش عاوزة أكبر وأفضل فى المرحلة العمرية دى وبخاف أكبر لكن هى كسرت القاعدة دى، ونفسى أحب كل المراحل العمرية ليا زيها وبره فى العالم بيكبروا ويكتئبوا هى حبت كل مرحلة وهى أم وهى جدة، هى عظيمة جدًا بكل ما تحمله الكلمة من معنى، وكمان تبقى ممثلة ومغنية بالقوة دى، كان نفسى أخد منها كل حاجة".

وأردفت ناهد السباعى، خلال ندوة توقيع كتاب "10 نساء في واحدة" عن هدى سلطان في إطار تكريمها بالدورة الحالية لمهرجان الأقصر للسينما الأفريقية: "الناس لما تشوفنى بتسألنى ليه بتقدمى أعمال فنية قليلة عشان بحب كلمة أنتى وحشتينى، زمان كان فيه كل نجمة بأفلامها وأفلام المرأة كتير لكن دلوقتى بقى معندناش أفلام المرأة، وفى مجتمع ذكورى وأسفة إنى بقول كدة فى يوم المرأة".

يذكر أن مهرجان الأقصر للسينما الأفريقية يقام من 4 إلى 10 مارس، واختار مجلس إدارته دولة أوغندا لتكون ضيف شرف الدورة الـ 11، والمهرجان تقيمه وتنظمه مؤسسة شباب الفنانين بدعم من وزارات السياحة والآثار والثقافة والشباب والرياضة والخارجية المصرية، وبالتعاون مع محافظة الأقصر ونقابة المهن السينمائية ويرأس المهرجان السيناريست سيد فؤاد ومديرته المخرجة عزة الحسينى.

ندوة تكريم اسم هدى سلطان فى مهرجان الأقصر