ناقش برنامج راجل و2 ستات المذاع على قناة on، تقديم الإعلامية شريهان أبو الحسن والفنانة هيدى كرم والفنان سامح حسين، سؤال: لماذا تخسر المرأة النقاش أمام زوجها؟.
وقال الفنان سامح حسين: "الست فى أى مكان بتحب تفضفض، حتى فى الشغل عادى، والست لما بتتناقش مع زوجها بتفتح أكثر من موضوع فى وقت واحد وبصوت عالى، أخد الحق حرفة والستات ضايعين في الحرفة دي.
وقالت الإعلامية شريهان أبو الحسن: "الست بتحب الكلام وبتحب تفضفض والرجالة عارفة الكلام ده، والستات بتعرف الرجالة لا يفضلون الكلام كثيرا عن السيدات، ولكن لابد الطرفين مراعاة طبيعة الاخر، طول ما العلاقة بتكسب يكون الطرفين هينجحوا ولكن لو اتكسرت هيكون العلاقة هتتكسر".
وأضافت: اكثر الجمل اللى بتقلق العواطف للرجل، وتوتر الرجالة وهى "عاوزين نتكلم" تعتبر اكثر كلمة بتوترة، لانهم عارفين الست دماغها مترتبة اكثر منه".
وتابعت:" هناك مشكلة عند فتح الست موضوع نقاش مع زوجها ويرد عليها بجملة ايوا انتى عاوزة ايه دلوقتى، ولازم الست تناقش الزوج فى ضرب الأمثلة فى حاجات الرجل عملها فى المنزل".
وعلقت الفنانة هيدى كرم : "الست فعلا مش بتبقى محددة وبنجيب الشامى على المغربى وبندخله فى لخبطيطة ويبقى بجد بيتوه الراجل اللي دماغة بتشتغل خط واحد لكن الست بتتكلم فى اكتر من خيط فى وقت واحد".
