عروقى اتدمرت ومبقتش بتطلع دم وجالى حرقان فى المثانة ومهتمتش بس مع المجهود التلوث طلع على الكلى وبعدين الدم.. بهذه الكلمات كشفت الفنانة غادة عادل عن أسباب وعكتها الصحية الأخيرة فى مداخلة تليفزيونية.
وقالت غادة عادل: "أولادى اتدمروا نفسيا وطلبوا من الناس تدعيلى والحمد لله أنا مش زعلانة منهم رغم أنى برفض تداول معلومات عنى على السوشيال ميديا بس أنا خفيت بـ دعاء الناس وطلبت من الدكتور أطلع من المستشفى وسمح لى أروح رغم أنه كان رافض فى البداية ووعدته أنى هاجى أعمل تحليل".
وردا على سؤال: مجدى الهوارى سأل عليكى ولا لأ؟ أجابت غادة: "يا لهوى ده قلب الدنيا".
وكانت غادة عادل قد طمأنت جمهورها فى تصريح خاص لـ"اليوم السابع" بقولها: "حالتى تحسنت الحمد لله وإن شاء الله هخرج من المستشفى النهاردة وشكرًا لكل اللى سأل عليا".
تم أضافة تعليقك سوف يظهر بعد المراجعة