كشف الفنان محمد رمضان، عن كواليس مسلسل المشوار المذاع على قناة دى إم سى من بطولته، قائلا: "الشنطة فيها كل خير، وأكيد بها شيئ بالغ الأهمية عشان بشيلها وفيها حاجة مهمة جدا، وبنسابق الزمن للانتهاء من التصوير، والمخرج حريص على كل مشهد، وكأننا بنعمل فيلم سينما، وبيعطى لينا التصوير أبطئ من المسلسل، وتم تصوير العديد من المشاهد فى الإسكندارية، وكنا بنصور فى الاسكندرية، ودرجة الحرارة 3 و4 ، وبنشوف مصر كلها من خلال ماهر وورد فى المسلسل".
وقال خلال مداخلة مع الإعلامى رامى ضوان عبر برنامجه مساء دى إم سى المذاع على قناة دى إم سى :" صورنا فى أكثر من محطة قطار فى أكثر من محافظة، وجميع المشاهد على أرض الواقع، وهنشوف مصر على أرض الواقع فى المسلسل، وتعد تجربة عظيمة مع المخرج محمد ياسين، وجميع مسلسلات المخرج بطولة جماعية، ولكن محمد رمضان بيعمل مسلسلات جماهيرية، ولكن متقابلين فى محطة عظيمة ونسميها المعادلة المستحيلة نجمع المشروع الفنى والجماهيرى يجعب المواطن البسيط ويستوعب المسلسل".
وتابع :"الطفل اللى معايا فى المسلسل محمد عزازى شبهى أكتر من ابنى، ومشاهد جبال الثلج يبدوا كدة ولكن دى مصانع الملح فى منطقة المكس، واكتشفت اننا بنصدر لكل دول العالم وهناك ملح بيسيح الجليد وملح يستخدم فى البترول، وغير ملح الطعام".
وأوضح :" مسلسل فخور جدا به ومحطة جديدة بمشوارى "، معقبا : "السوشيال ميديا سلاح ذو حدين ولابد ان نحتاج حرص لتقديم منتج يليق بهم والقناة الأهم فى مصر دى إم سى، وكل سنة وجمهورى طيب ورمضان كريمة عليهم وجميع فريق العمل اللى تعبوا معايا عشان نقدم شيئ يسعد الجمهور، ووالفن مسكن للشعوب وينسى الناس همومها وبنتعب عشان نبسطهم حتى ولو كانت ساعة وقت المسلسل، وكل مسلسلات دى ام سى تليق بالشعب العظيم وكل سنة وانتم طيبين".
