قال الرئيس عبد الفتاح السيسى، يهمنى أن كل مصنع فى مصر يشتغل يا جماعة، فيه عمال بتشتغل وتعيش وفاتحة بيوت، لو المصنع دا اتقفل هيبقى فيه بطالة والناس دى تروح بيتها طيب مين هيصرف عليها، يبقى إحنا النهاردة بنأذى بلدنا ونفسنا لو تصورنا إننا نسمح الموضوع دا يستمر.
وأضاف الرئيس السيسى، خلال لقاء موسع مع مجموعة من الصحفيين والإعلاميين على هامش جولته التفقدية لمنطقة توشكى: اتصالاتنا مع الغرف ورجال الأعمال والمستثمرين، يبقى احنا مستلزمات الإنتاج والسلع الأساسية لها الأولوية الكاملة.
وتابع الرئيس السيسى: في كل الافتتاحات كانت هي محاولة من جانبي إن أنا أتواصل مع الرأي العام بشكل مباشر، وبسمعه الكلام بمنتهى الصدق والصراحة، وبما إن الموضوع هو الأزمة الاقتصادية، نبدأ بها.
وقال الرئيس: اسمعوا عاوز أقول لكم على حاجة، إحنا المفروض الأزمة الاقتصادية بدأت في أعقاب 2011، بعد سنة ونص، 80 أسبوع تقريبا من التظاهر والوقع اللي تم، وأدى إلى أن مصر فقدت كل أو جزء كبير من احتياطي – عدا العيني - احتياطي البنك المركزى.
وأضاف الرئيس السيسى: بعد حالة الثورة اللي تمت في 2011، لو كانت الموضوع بعدها كنا كلنا كمواطنين وكقوة كنا حريصين على استقرار البلد دي، كنا في خلال شهرين تلاتة أربعة، عملنا انتخابات رئاسية والموضوع انتهى وتبدأ الدولة تتحرك، لكن الموضوع تأجل سنتين، وبالتالي التحدي تضاعف، لأن الأزمة لما حد يكون مريض ومنعالجهوش علاج سليم أتصور المرض يزداد.
وتابع الرئيس السيسى: قلت إننا معا في خطة متحركين بنشتغل فيها مع بعض هنساهم فيها مع بعضنا البعض، احنا في 2011 كنا 77، 88، النهاردة انت بتتكلم في 104، العشرين مليون دول أعبائهم ايه؟ أعبائهم على الدولة المصرية ايه؟، هو حجم النمو في الدولة المصرية من الأصل كان يكافئ عدد سكانها؟ احنا بنجري وعنصر السكان كان هو الحاسم، وكنتوا بتستغربوا أوي لما تسمعوا خلال الـ 6 سنين اللي فاتوا، كنت بقول عاوزين نخلص عاوزين بسرعة والناس مستغربة ليه؟ لأنى عاوز الفجوة الفاصل ما بين نمو الدولة ونمو شعبها يقل، واحنا حريصين على الأقل لو مقلتش تبقى ماشية زي ما هي، ودا محتاج مننا عمل مضاعف عشان الفجوة، لأن المواطن في الستينات كان بيعاني زي المواطن دلوقتي؟ كان قدرة الدلة المصرية ومواردها متناسبة نسبيا مع حجم الدولة المصرية، يعني نمو السكان بقى أكبر من طاقة العمل اللي الدولة المصرية بتعمله.
وقال الرئيس: إن مكناش نعمل ضبط لسكانا لن تشعروا بتحسن في الموقف الاقتصادي، مع الجهد اللي احنا بنعمله .
وأضاف الرئيس السيسى: جات علينا أزمتين في منتهى القسوة، لما عملنا الإصلاح في نوفمبر 2016 دفعنا فاتورة قاسية كلنا كمواطنين لكن كان نتيجتها إننا قدرنا نخش الأزمتين دول ونصمد فيهم، وعاوز أٌول لكم لو مكنش دا حصل كان هيبقى موقفنا صعب جدا جدا جدا دلوقتي، أو مش دلوقتي حتى، في الأزمة بتاعة الكورونا، الأزمة دي عملت ايه؟
وتابع الرئيس السيسى: عاوز أقول إن سلاسل الإمداد والنظم الطبيعية للمنتجات اللي بتطلع في العالم كله سواء كانت زراعية أو صناعية أو تكنولوجية لو حصل خلل في دولة واحدة من الدول الكبيرة يبقى فيه تأثير مش علينا احنا بس، على العالم كله.
تم أضافة تعليقك سوف يظهر بعد المراجعة