يتزامن اليوم الـ 17 من مايو مع عيد ميلاد ايقونة التمثيل والكوميديا عادل امام الذي تمكن بفضل ذكاءه في تقديم كافة الألوان التمثيلية ونجح فيها بصورة كبيرة متجاوزاً حاجز الزمن لينجح في تصدر المشهد لسنوات ويحفر اسمه بأحرف من ذهب في تاريخ الفن، بعدما قدم سلسلة من الأعمال الناجحة سواء على مستوي الإيرادات أو المحتوي.
الزعيم
وخلال التقرير التالي نتعرض إلى نظرة الزعيم فى الحياة ونصيحته لكل من يرغب في تحقيق النجاح في حياته، حيث تطرق إلى ذلك أثناء حلوله ضيفاً على قناة الحياة في وقت سابق، خلال حلقة خاصة حل فيها ضيفاً وقتها على الثنائى أشرف عبد الباقى وأحمد آدم، وحينها أكد أنه حينما كان شاباً في بدايته كان بصحبة صديق له على كوبري ينظرا للنيل وفجأة توقفت سيارة من أفخم السيارات.
واستكمل الزعيم وقتها : "شفت سيدة جميلة نازلة لابسة شيك جداً، والسيارة كانت فخمة للغاية، انا وقتها قلت الله ايه الجمال ده، انما صاحبي قال وقتها ايه الناس دي معاهم كل ده، في إشارة إلى حسده لما تملكه من مال، .. صاحبي ده اتسجن واتبهدل".
وأضاف الزعيم : "نصيحتي للجميع ان ينظروا للجمال، ولا يلتفتوا إلا لعملهم، انا زمان لما سمعت ان مارلون براندو هياخد مليونى دولار في الفيلم فرحت ان في حد ناجح ها يحصل على المبلغ الضخم ده مقابل موهبته وشطارته في عمله، عكس ناس تانيه بتفضل تحسب لكل شخص ده بياخد كام وده هيعمل ايه بالفلوس، علشان كده اتمني الناس تبص على الجمال في كل حاجة".
