عصام عبد الفتاح: عندنا حكام وصلوا كأس عالم والمنتخب ما وصلش

قال عصام عبد الفتاح، رئيس لجنة الحكام، إن لديه حكاما استطاعوا الوصول إلى كأس العالم في الوقت الذى لم ينجح فيه المنتخب الوطنى في التأهل للمونديال.

وأضاف عبد الفتاح، خلال تصريحات تلفزيونية لبرنامج جمهور التالتة على قناة "أون تايم سبورتس 2" مع الإعلامى إبراهيم فايق:" الناس اللى بتتكلم علن أخطاء التحكيم بقولهم عندنا حكام وصلوا كأس عالم ومنتخب مصر موصلش".

وتابع رئيس لجنة الحكام: "شيء طبيعى الحكام المصريين يروحوا كأس عالم مرة آه ومرة لا، لكن منتخب مصر مبيروحش كأس عالم غير كل 4 مرات مرة".

وتابع رئيس لجنة الحكام: " فيه ناس مش عايزة التحكيم المصري ينجح والتحكيم محتاج كتير؛ لأن الحكام قعدوا 3 سنين معملوش محاضرات ولا معسكرات وده على مسئوليتي الشخصية وبقول للناس لو أنا سبب المشكلة مستعد أمشي".

واختتم رئيس لجنة الحكام: "كل ما الحكام هيتعرضوا لضغوط عمرنا ما هننجح وانتقادات التحكيم مفتعلة وبينى وبين ربنا تقييمى للحكام  8 / 10، وبنخاف ربنا وأنا فطرت 4 أيام بس مع ولادى في رمضان عشان أطور منظومة التحكيم".