يتخيل الكثير منا فنانات الزمن الجميل، بزى عصرى ومختلف سواء كانت الراحلة سعاد حسنى أو ماجدة وزبيدة ثروت، وغيرهن من الفنانات اللواتى استطعن أن يتركن بصمة مميزة في تاريخ الفن، وهذا ماتخيله أيضاً محمد جابر، ولكن تخيلهن في شخصيات أميرات ديزنى، اللواتى عشنا معهن أجمل ذكريات طفولتنا، فحول بلمساته الفنية سامية جمال للأميرة ياسمين، وسعاد حسنى لسندريلا، وغيرهن من الفنانات.
سعاد حسنى سندريلا وسامية اتحولت لياسمين
تحدث محمد جابر، خريج كلية تجارة والحاصل على بكالوريس اقتصاد، عن اتجاه لتعديل صور نجمات الزمن الجميل لأميرات ديزنى، حيث قال لـ" اليوم السابع":" انا بحب الرسم من صغرى وده اللى دفعنى إنى اتعلم تعديل الصور وقدرت أطور من نفسى لحد ما وصلت للمستوى ده، وكمان بكون حريص في شغلى إن ابتكر فكرة مستحيل تتحقق على أرض الواقع، وبحب أعمل تعديلات على صور للفنانين لأن بطبيعة شغلهم بيحبوا يتقمصوا شخصيات مختلفة غير حقيقتهم، وعملت تصميمات لبعض الفنانين وعرضتها على مواقع التواصل الاجتماعى، وعجبت ناس كتير، ودعمونى كتير ".
تابع:"كنت بفكر في فكرة جديدة، ووصلت لفكرة تحويل فنانات الزمن الجميل لشخصيات أميرات ديزنى، وبدأت أدور على الأميرات اللى شبه الفنانات وأقربهن في الملامح، فصممت سامية جمال في شخصية ياسمين، ودى اكتر شخصية عجبت الناس، لأن الفنانة الراحلة كانت لبست نفس الملابس في فقرة استعراضية بأحد أفلامها وكانت قريبة من ملابس ياسمين".
واجهت محمد بعض الصعوبات أثناء تعديله للصور والتي تحدث عنها، قائلاً :"الصعوبات اللى قابلتى، أول حاجة أن صور الفنانات قديمة ومعظمها مش واضح ومش ملون، و ده كان ممكن يخلى التصميم مش واضح، لكن قدرت أعالج المشكلة، وأقرب الصورة، وأنسق الألوان بين شخصيات ديزنى والفنانات وأطلعها بجودة عالية".
وعن رد فعل الناس على تعديل الصور الفنانات بأميرات ديزنى، قال:" ناس عجبها الشغل جداً وبتشيد بالشغل، وفيه ناس برضه الشغل معجبهاش، وده كنت بشوفه في تعليقات الناس، لكن ده طبيعى لأن استحالة أن الناس كلها تتفق على حاجة واحدة، لكن بنسبة كبيرة ناس كتير مبسوطة بالشغل، لأنهم كان نفسهم يشوفوا الفنانين اللى بيحبوهم بشكل مختلف وعصرى".
ماجدة
هدى سلطان
هند رستم
شادية
مريم فخر الدين
زبيدة ثروت
سعاد حسنى
نادية لطفى
سامية جمال
تم أضافة تعليقك سوف يظهر بعد المراجعة