تحدث أعضاء فريق واما على سؤال الإعلامية لميس الحديدى عن الذى تغير فيهم بعد مرور 22 عاماً على عمر الفريق منذ ميلاده من جانبه قال الفنان أحمد الشامى أن ماتغير فيه أنه بات أكثر هدوءاً.
ومزح الفنان محمد نور لميس الحديدى خلال لقاء " برنامج " كلمة أخيرة " على شاشة ON": إلى إتغير فى شامى أنه بقى معاه فلوس.. أنا شخصياً بعد مرور 22 سنة لسه ببص لكل واحد فيهم وكأننا لسه صغيرين وعمرى ماحطيت فى بالى أننا كبرنا بنتعامل وكأننا لسه صغيرين.. وإحنا عقلنا شوية زمان كنا بنزيط وبنعمل مشكلة على أى حاجة."
ومازحته لميس الحديدى : "كنتوا بتخشوا سوى خناقات وضرب " ليرد محمد نور قائلاً : لا مكناش بنضرب بنتخانق كلامياً بس وأحمد الشامى كان بيزعق أوى ويعلى صوته لكن وقت التنفيذ بيخلع".
من جانبه قال أحمد فهمى أنه لم تشهد العلاقة بينهم طول هذه السنوات خلافات حول الفن والاغانى ولكن أشياء أخرى مثل الالتزام بالمواعيد وغيرها.. اختلافنا كان على المواعيد بس لكن عمرنا ماختلفنا فى الفن والاغاني"، وليقاطعه الموزع الموسيقى نادر حمدى قائلاً : ده طبيعى لاننا باند مكون من أربعة أفراد بأدمغة مختلفة وتفكير مختلف.
ورداً على سؤال الحديدى الذى وجهته لاحمد فهمى : بعد مرور 22 عاما على عمر " واما " مالذى تغير فيك ؟ لجيب: "بقيت أكثر حده مش بقبل الغلط زى زمان كنت ممكن أبقى مضايق وماقلش زمان دلوقتى بقول ".
