نادية الجندى: مهرجان القاهرة للدراما مهم والفن من أصعب المهن في العالم

حلت نجمة الجماهير، نادية الجندى، ضيفة على تليفزيون اليوم السابع،  مع الزميل على الكشوطى، رئيس قسم الفن، بعد تكريمها وحصولها على جائزة الإبداع في مهرجان القاهرة للدراما، بدورته الأولى.

وقالت نادية الجندى:" مشوار طويل و متعب و شاق لكن النتيجة حب الناس و بتخلينى انسى كل التعب اللى أنا تعبته، والفن من أصعب المهن في العالم طول الوقت أنت قدام الناس ولازم تبقى عالطول في حالة جيدة شكلا و موضوعا و أداء و تمثيل، عملية بتاخد من وقتك كتير وبتخليك تلغى حاجات كتير في حياتك عشان تلتزم وتبقى عايش في سيستم معين طول الوقت عشان تقدر تحافظ على المستوى اللى أنت وصلت له.

وأضافت:"مهرجان القاهرة للدراما مهم جدا و المهرجان ده هيبقى دافعة قوية للمنتجين أنهم يقدموا أعمال جيدة و أعمال هادفة لأن الدراما بتدخل بيوتنا كلها ومؤثرة جدا في وجدان ولادنا وفى الأسرة لازم نهتم بالدراما أكتر من كده الحقيقة، والمهرجان خطوة ناجحة جدا  وسعيدة به، والدكتور يحيى الفخرانى عملاق من عمالقة الفن، ربنا يديله الصحة وطوله العمروكل لجنة التحكيم أساتذة واختياراتهم موافقة وإن شاء الله يبقى في مصدقيه في المهرجان ويستمر نجاحه". 

نادية الجندى 

نادية الجندى 

نادية الجندى 

نادية الجندى