حكايات مثيرة روتها النجمة منى زكى عن حياتها الشخصية وأسرتها خلال لقائها بأولى حلقات الموسم الجديد من برنامج "سهرانين" الذى يقدمه الفنان أمير كرارة، كاشفة عن وقوعها فى قصة حب فاشلة قبل زواجها من الفنان أحمد حلمى.
وصرحت بأن أباها لم يوافق على زواجها من حلمى فى البداية لشدة حبه لها وكان يقول: "مين ده اللى جاى ياخد بنتى منى..أبويا كان رافض.. كنت بجيب قرايبى عشان يقنعوا بابا بجوازى من حلمى".
وعن أسباب حبها لحلمى قبل الزواج: "حلمى حنين ومش بيتكسف يقول مشاعره على عكس الرجالة، حبيت ده جدا وما زلت".
وأوضحت أن عيد ميلادها يتزامن مع يوم ميلاد زوجها قائلة: "كنت فاكراه بيشتغلنى وبيرسم عليا وكده، لكن طلع فعلا مولود فى نفس اليوم.. ودى حاجة مش لطيفة، كأنه مش يومك، وبطلنا نجيب هدايا لبعض".
وكشفت أن والدها قدم استقالته عندما أنجبت ابنتها الأولى وتابعت: "عشان يعمل معاها زى ما عمل معايا، كان يصحى الصبح بدرى، ييجى البيت عندى ويشترى لها الإفطار، كان بيحبها زيى وأكتر".
وقالت: "حلمى كان نفسه يخلف بنات حتى جاء "يوسف" أصعب ابن فى أولادى بنخاف منه.. تربية البنات أسهل".
وحكت قصة تربيتها كلبا فى غرفتها دون معرفة أمها قائلة: "حد أعرفه جاب لى كلب فخبيته فى الدرج عشان ماما ما تعرفش.. وكنت بحط له الاكل و الشرب فى الدرج واقفل باب الغرفة، لكن ماما اكتشفت فى النهاية".
