الرئيس السيسى: أضفنا ضعف شبكة الكهرباء الموجودة فى مصر.. ويعلن تنظيم فعاليات كبيرة فى العريش ورفح والشيخ زويد للاحتفال بالقضاء على الإرهاب.. ويؤكد: هناك محاولات دائمة لتضليل الناس وعندى ثقة فى الشعب

الرئيس السيسي يوجه بتقديم أعمال تليفزيونية لشخصيات تاريخية من الشرطة المصرية

الرئيس السيسي: "محاولات كتيرة استهدفت هدم الشرطة علشان البلد تضيع"

الرئيس السيسي يشكر العقيد طارق عبد الوهاب: "الترقية مش تعويض"

الرئيس السيسي: استطعنا القضاء على موجة الإرهاب بنسبة تقترب من 100%

الرئيس السيسى: مبررات علمية فى اللى بنعمله ولو معملناش يبقا قصرنا فى حق البلد

الرئيس السيسي:  تطوير قناة السويس جاء بهدف مجابهة تطورات التجارة الدولية

الرئيس السيسي:  أضفنا ضعف شبكة الكهرباء التي كانت موجودة في مصر

الرئيس السيسي: للاحتفال بالقضاء على الإرهاب

الرئيس السيسى: "واثقين فى الله أولا ثم أنفسنا.. ومفيش حد يغلب الدولة والشعب"

الرئيس السيسى: مصر محمية بفضل الله وشعبها.. وأعتب على الإعلام لهذا السبب

الرئيس السيسى: الله حمى مصر وفيه بلاد بقالها 20 سنة غير قادرة على العبور

الرئيس السيسى: "نجحنا فى أننا ننزل طائرة بالعريش لأول مرة من 8 سنين"

وجه الرئيس عبدالفتاح السيسي، الشكر للفنانين المشاركين فى العرض الفنى خلال احتفالية عيد الشرطة الـ71.

وقال الرئيس السيسي خلال احتفال وزارة الداخلية بعيد الشرطة الـ 71: "بشكر المجموعة كلها.. وعايز أقولكم إننا محتاجين اللى انتوا عملتوه ده.. لو طلع حتى مسلسلات كل مسلسل 5 حلقات لكل شخصية من الشخصيات اللى انتوا ذكرتوها هتعرفوا الناس أن البلد دى طول عمرها ولادة للأبطال والرجال اللى الظروف قدمتهم، بس الناس ما تعرفهمش، وإن كانت عرفتهم ساعتها ما تعرفهومش دلوقتي.

وأضاف الرئيس السيسي: محتاجين نطلع الشخصيات دي بالشكل اللى يليق بيهم، مش لازم بمسلسل طويل ياخد مدة طويلة.. فقرة حتى 5 حلقات". لكل شخصية والدراما تشتغل فيها والصورة اللى إحنا محتاجين نحافظ على حسنها هى صورة المصرى اللي بيعمل في القطاع ده لأنه مصري.. وكان فيه محاولات كبيرة اتعملت خلال السنين اللى فاتت، وكان آخرها من عشر سنين أو أكتر.. الهدم كان هدفه حاجة واحدة أن الجناح ده ميبقاش موجود علشان البلد تتاخد.. هو كده للى عاوز يعرف.. نكسر الشرطة ليه؟ علشان ناخد البلد.. نكسر الجيش ليه؟ علشان ناخد البلد أو نضيعها".

وحرص الرئيس عبد الفتاح السيسي، على توجيه الشكر إلى العقيد طارق عبد الوهاب بعد قرار الترقية، قائلا: "طبعا يا طارق.. مش عاوز أقول كلام.. الترقية مش تعويض.. لكنه شكل من أشكال العرفان مننا.. والتقدير والاحترام مننا على اللى أنت عملته، ولكل من عمل عمل زي ده من الشرطة والجيش".

أضاف الرئيس السيسي: "بقولك يا طارق ولكل اللى ظروفهم ما سمحتش أنهم يكونوا معانا.. من العمليات اللى كانت فى مواجهة الإرهاب خلال 10 سنوات.. أفرزت كتير بين شهيد ومصاب".

تابع الرئيس السيسي: "مين يعوض على طارق ده.. يا ناس اللى بتتفرجوا علينا.. فيه رجال زي طارق كتير.. منهم اللى قدم روحه.. ومنهم اللى قدم حتة من جسمه.. علشان خاطر مصر.. كل مصر.. تبقى في أمان وسلام.. إيه المقابل.. المقابل أن الدولة تتقدم وتستقر.. ده اللى كان طارق عايز يعمله لما راح هو والشهداء اللى بنسأل الله يجمعنا بهم في الجنة، علشان يحموا البلد دي".

وذكر الرئيس عبد الفتاح السيسي، إنه لا يجب أن ننسي تضحيات الشهداء والمصابين خلال المواجهة مع الإرهاب، قائلا: "مش عايزين ننسى الحالة اللى قعدنا فيها سنين، لو كانوا قدروا علينا كانوا ذبحونا.. وقولت هنا بفضل الله وكرم منه إحنا استطعنا القضاء على الأرهاب بنسبة تقترب من 100%.. بولاد مصر.. من الأسر البسيطة في كل أنحاء مصر.

أضاف الرئيس السيسي، موجها الكلمة للعقيد طارق عبد الوهاب خلال احتفال عيد الشرطة الـ 71: "أشكر طارق باسمي واسم كل المصريين.. وهنا الترقية وحتى العرفان ده مش كفاية.. العرفان والترقية وكل راجل زي طارق من الجيش والشرطة.. أن البلد تفضل تتقدم للامام.. ويفضل شعبها مستعد وفاكر تضحية أبنائه".

وتابع الرئيس السيسي: "عملية التذكرة اللى بقولها علشان كتير مننا ما يضيعش الجهد والدم خلال 10 سنين من المواجهة.. والبلد ما وقفتش فيها ابدا.. وقالت إحنا بنقاتل إرهاب.. فضلت تعمل ده بالجيش والشرطة وأجهزة الدولة.. وناس تانية تكافح وتشتغل علشان تغير حياة الناس.. علشان كده ما كانشي هيفوتني.. أني اشكرك وربنا يديك الصحة والعافية ويحميك ويحمي اللى زيك.. شكرا جزيلا". 

وتحدث الرئيس عبد الفتاح السيسي، عن الدعاوى المضللة فيما يتعلق بالأزمة الاقتصادية، قائلا: "اسمحولى إننا أمام بند واحد أو بندين أتحدث فيه باختصار.. هتكلم عن ما يتردد إن الأزمة الموجودة بسبب المشروعات القومية، طيب هسأل بالإضافة إلى الأسئلة العامة يا ترى هل كان ممكن قناة السويس اللى كان دخلها 4.5 مليار دولار في أحسن الأحوال ميتمش تطويرها، ويجي بعد سبع سنين ويكون دخلها وصل إلى 8 مليار دولار؟..هل كان ممكن نتجاوز ومنطورش القناة ومنستفدش من الرقم اللى موجود أمامنا دلوقتي ..موضوع الدراسات كانت تستهدف الوصول إلى 10 او 12 مليار دولار سنويا..هل الرقم ده جمب رقم تطوير القناة يعتبر رقم كبير؟".

أضاف الرئيس السيسي: "هل كان يمكن الازمة الكهرباء والطاقة كلنا كنا شايفيناها بس مش عاوزين ننساها.. 1.5 تريليون جنيه للكهرباء .. هل كان ممكن الدولة المصرية تستمر خلال سبع سنين اللى فاتت واحنا زدنا 14 مليون ومن 2011 زدنا 20 مليون هل كان يمكن واحنا عندنا ازمة كهرباء منعملش تطوير البنية الأساسية للكهرباء.. بتكلم في اسئلة واضحة جدا لان هناك محاولات دايما لتضليل الناس وياخدوهم في حتة تانية خالص عندي ثقة في الناس والشعب المصري إنه فاهم ده وشايفه.. بس بأكد عليه".

تحدث الرئيس عبد الفتاح السيسي عن تطوير قطاع الكهرباء والطاقة قائلا: "هل يا ترى المشاريع دي كانت ممكن متتعملش ولا كان لازم تتعمل؟ مبخشش في تفاصيل كتير، علشان نطور قطاع الطاقة والكهرباء مكنش الهدف بس إن إحنا ننشأ ونعمل محطات طاقة جديدة لا كان لابد من تجديد الشبكة واعمل شبكة إضافية طيب ده كافية؟ أضفنا ضعف حجم الشبكة القديمة الموجودة في مصر مرتين.

أضاف الرئيس السيسي: "بتقول عاوز تبقا أنت محور ومركز للطاقة الكهربائية في منطقتك طيب إزاى تعمل ده والشبكة عبر الكهرباء غير مؤهلة على نقل الكهرباء على الإطلاق علشان نعمل ده كان لازم يبقا موجود كمية طاقة كهربائية وشبكة ومحطات ومحولات للتحكم بشكل متكامل حتى لما أجي أقول عاوز أعمل طاقة جديدة ومتجددة مكون الكهرباء في مصر كان لا يمكن نقدر تشغل وتعمل محطات طاقة جديدة ومتجددة.. كان مطلوب مننا نعمل كل ده في فترة زمنية قليلة".

واصل الرئيس السيسي: "محطات التحكم عملنا جزء وفاضل التلتين تقريبا تخلينا الشبكة المصرية قادرة على التفاعل مع شبكات متقدمة جدا في أوروبا طيب بنعملها علشان نباهي لا دي متطلبات العمل بتحتاج كده..في كل موضوع هتجد مبررات  علمية واقتصادية مش مبرات سياسية ولو متعملتش يبقا احنا قصرنا في حق البلد دي وفى حق مستقبلها".

تابع الرئيس السيسي: "اللى بيكلمك بيكلمك في جزئية صغيرة لانه الهدف منه انه ياخدك في مكان تاني خالص ميخلكش ابدا تفكر ابدا بمنطق او علم هدفه كده طيب ليه ؟ هتفضل الدولة دي مستقرة بعد كل المحاولات اللى اتعملت خلال السنين اللى فاتت مش معقول".

تطرق الرئيس عبدالفتاح السيسي لمشروعات النقل والطرق، وتساءل: "فيه حاجة خاصة بمشروعات الشبكة القومية للطرق والنقل.. هل كان يمكن للموانئ المصرية يكون ليها دور في التجارة العالمية واحنا في منطقة في منتهى الأهمية وبتمر منها قناة السويس و18 % من التجارة العالمية، إن موانينا في مصر متكونش جاهزة لهذا التطوير وهذه التنمية المحتملة؟".

أضاف الرئيس السيسي: "هل شبكة الطرق اللى موجودة وداخلين على مبلغ 2 تريليون جنيه.. القضية اللى حصلت ايه ان احنا اضطرينا نعمل كل حاجة.. ماكانش عندنا ترف أولويات نسيب حاجة ونشتغل في حاجة تانية، لأ ن كل الملفات كانت محتاجة جهد ومواجهة حقيقية لتستطيع الدولة ان تتجه إلى المستقبل.

وذكر الرئيس السيسي: الشبكة القومية للطرق، أنا بلف كتير وبقول يا ترى لو ده متعملش الناس كانت هتمشى ازاى؟ مش بس في القاهرة والإسكندرية..الخلاصة ان مكنش عندنا ترف او سوء تقدير في الموضوع ، يعني مكنش سوء تقدير في الموضوع  .. لا.. بس خلى بالكم وانتوا بتعملوا ده ، حجم وقدرة الدولة قد ايه علشان يتعمل ده كله في 7 سنين ، ده عبء كبير قوي وضخم جدا".

وواصل الرئيس عبد الفتاح السيسي: "لو بنحاول نعمله دلوقتي يتكلف قد اللى اتعمل ده 3 أو 4 أو 5 مرات ما يقرب من 60 مليون مواطن في مصر وده مكنش ترف او مبالغة مكنش ينفع نسيب حياة الناس دي بالطريقة دي ونقول ان الخطة دي تتعمل في 15 سنة او 20 سنة.. كنا بنحلم نخلص الموضوع ده في 3 سنين وحطينا رقم ضخم جدا ولما نزلنا اشتغلنا وشوفنا الواقع على الأرض لقينا الوقت والتكلفة اكتر بالإضافة الى ظروف الازمة الاقتصادية..طيب هل ده كان ممكن ان احنا منقومش بتغيير حياة الناس في مصر وناجل الموضوع ده او يتعمل على مراحل تاخدلها سنين طويلة ..كل يوم بيعدي من غير متعمل فيه التغيير او الإصلاح في حياة الناس فيه ناس بتتعذب وبتعاني وبتتالم".

وأعلن الرئيس عبد الفتاح السيسي، عن تنظيم احتفالية كبيرة في العريش ورفح والشيخ زويد في إطار الاحتفال بالقضاء على الإرهاب، متابعا: "كل لقاء بنتكلم عن موضوع الإرهاب.. ونجحنا بنسبة كبيرة إننا نخلص من الإرهاب.. وفيه احتفالية في العريش ورفح والشيخ زويد بالقضاء عليه".

وقال الرئيس عبد الفتاح السيسي: "كان أول مرة الطائرة تنزل من 7 -8 سنين في العريش بالوزراء ورئيس الوزراء.. أول مرة ننزل طائرة في مطار العريش.. مكناش قادرين نعمل كده.. وهنروح نحتفل مفيش أرض فيكي يا مصر حد يقدر أبدا ياخدها مننا أو يسيطر عليها.. محدش يقدر".

وأضاف الرئيس السيسي: "التمن كان كبير.. طبعا.. اه دم ومصابين وشهداء راحوا عند ربنا.. وربنا يجمعنا بيهم في سلام وأمان يوم القيامة.. مش فلوس.. ده من شعب مصر كله.. دول أبناء مصر.. ده مناسب في كل وقت.. وعيب علينا جدا أن ننسي الشهداء.. ده فضل وكرم.. علشان نقول في يوم من الأيام بعد 10 سنين .. الحمد لله رب العالمين.. مفيش إرهاب".

وأكد الرئيس عبد الفتاح السيسي، على قدرة الدولة في مواجهة التحديات، متابعا: "طب استكمالا للنقطة دي، واحنا بنقابل تحديات زي اللى بنشوفها، نكون خايفين ولا واثقين في الله أولا ثم أنفسنا.. هل احنا عملنا كشعب هل اذينا ولا اعتدينا؟، وصبرنا صبر كبير جدا علشان مش هندخل صراع مع حد.. ولا نصل لمواجهة.. بس مش نجحوا في كده.. واتصورا انهم ممكن يهدوا مصر"..."كنت دايما أقول مفيش حد يغلب دولة.. ويقدر يضيع شعب.. مفيش حد يقدر.. مهم أوي مش بس نسمع ده.. لا.. وظروفنا مش بتاعتنا.. ظروف القدر شاء أن الدنيا تكون ده.. ويمكن تستمر معانا.. احنا كدولة بنحاول بكل القدرات.. قدرات الدولة وملك الدولة.. ما أمكن أن الأمور مش تكون ضاغطة على الناس.. وان شاء الله ناجحين وهننجح أكثر".

كما أكد الرئيس عبد الفتاح السيسي، أن الدولة المصرية جزء من الاقتصاد العالمي، متابعا: "احنا جزء من الاقتصاد العالمي.. هو أنتوا مش بتسمعوا في الأخبار، سواء جورنال أو في التليفزيون أن فيه اقتصادات كبيرة بتعاني وتتأثر.. ومش هذكر أسماء.. وفيه دولة كبيرة معرضة أنها مش تدفع الدين الحكومي بتاعها.. مش بتسمعوا ده.. ده حاجة".

وأضاف الرئيس السيسي: "مؤسسات التمويل الدولية.. صندوق النقد الدولي.. وتداعيات الأزمة العالمية تؤثر على الاقتصاد العالمي.. بقول الكلام ده.. ماشيين في طريقنا.. وصامدين.. احنا جزء من الدنيا ومش منفصلين عنها".

وتابع الرئيس السيسي: "شوفوا اللي بيتكلموا.. اللى عندهم الظروف دي فى دول جنب مننا.. وبعضهم من 20 و30 سنة ومش يتجاوزها حتى الآن.. مش هقول أسماء دول.. ومش طبيعتنا نزعل أو نسئ.. بقالهم 20 سنة.. طب انت ازاي خلصت ازاي.. تقفوا وتفكروا ازاي ده حصل.. بالله.. بالله.. بالله".

وقال الرئيس عبد الفتاح السيسي، إن مصر محمية بفضل الله سبحانه وتعالى وشعبها، وأوضح: "كنا كلنا بنبكي أحيانا ونتألم أحيانا كثيرة لما كان بيقولك هاجموا واستشهد كتير على مدى السنوات السابقة، ودعنا الأيام دي بفضل الله سبحانه وتعالى".

وأكمل الرئيس السيسي: "زي ما الأزمة الاقتصادية بتمس العالم كله وتضر العالم كله، نحن مضارين منها، طيب نصمد لها ولا؟ بالمناسبة أنا ليا عتاب على الإعلام.. أنتو ليه بتصوروا المصريين على إنهم مرعوبين على الأكل والشرب.. مايصحش.. والله ما يصح إنك تبينا إننا مرعوبين على الأكل والشرب.. لأ مايصحش كده وكأن آخر الدنيا، وأنا مش بقول إن ده كلام مش صحيح.. لأ.. بس بقول مش ده آخر الدنيا في مصر".

وتابع: "إحنا بنقول للشعب المصري إن الدولة دي هتبقى وتظل وتستمر وتكبر بينا كلنا وبتضحياتنا، واللي من ضمنها دي.. تضحية الظروف دي اللي إحنا معملنهاش، أنتو عارفين يعني إيه وزارة الداخلية تحبط نزول بـ7 أو 8 مليار جنيه ولا أكتر مخدرات في البلد، ده خطير جدا، أولادنا وبناتنا ممكن يتأذوا بالكلام ده، وموضوعات أخرى كتير جدا أجهزة الدولة بتقوم بيها، أنت بتتكلم في دولة فيها 105 مليون و6 أو 7 مليون ضيوف عندنا، أرجو أننا كمفكرين ومثقفين وإعلاميين ومسئولين، أن نجتهد في المرحلة الحاسمة التي نمر بها حتى نعبر منها بأمان وسلام إن شاء الله".

وتحدث الرئيس عبد الفتاح السيسي، على تأثير الزيادة السكانية، قائلا: " "بتلومني وبتلوموا الحكومة.. انت بتتكلموا في زيادة 2 مليون.. طب في 10 سنين 20 مليون.. طب احنا مواردنا زادت أولا علشان تكفي قبل الـ 20 مليون.. طب لما يجوا الـ 20 مليون.. مش لهم طلبات في كل شيء.. أغذية وطلبات فى مدارس ومستشفيات ووظائف وطلبات فى إسكان".