وجه الرئيس عبد الفتاح السيسى، رسالة إلى المسئولين فى الحكومة قائلا: "القطاع اللى عندنا فيه فرصة فى بلدنا محتاج مننا كمجتمع ووزارة تعليم عالى والتعليم أننا نهتم، وقطاع الاتصالات والتكنولوجيا هو ده القطاع اللى لو كلنا حطينا إيدينا فى إيد بعض مؤسسات الدولة مع رؤية الاتصالات هنحقق شيء".
وأضاف الرئيس السيسى، خلال تعليق بمؤتمر حكاية وطن، أن العرض الذى قدمه وزير الاتصالات عن إنجازات وعمل الوزارة كلام متخصص ويستغرق مننا 3 أو 4 ساعات مع الدكتور عمرو طلعت عشان نحلم فى كل مجال من خطط ومراكز تدريب.
وتابع: "بيخش عندنا شباب وشابات بيدخلوا كليات أربع سنين ولو الطالب اقتنع أن المدة دى يؤدها فى المنشآت التكنولوجية هيخرج منها بفرصة عمل واللى بيتعلمه دلوقتى مش له فرصة عمل، واحنا بندور على شباب وشبات فى المجتمع المصرى قادرين أنه يلبوا الاحتياجات المحلى والسوق العالمى يقدر يستوعب كل اللى نقدمه بلا شك لغاية مليون فرصة فى السنة".
وقال الرئيس عبد الفتاح السيسى، موجها حديثه لوزير الاتصالات الدكتور عمرو طلعت: "يعنى أنت يا دكتور جيت على الحكومة والجهد اللى اتعمل فيها والبنية الأساسية اللى اتكلفتها، سواء كان البنية الأساسية داخل كل وزارة أو بين الوزارات ومراكز البيانات المؤمنة، دا اتكلف كام الأولاني؟ الانتقال للعاصمة الإدارية الجديدة، الميكنة بتاعتها، بديك فرصة تقوله، الناس متصورة، كلكم صورتوا وخدتوا الفيلم بتاع المبانى من برة".
وأضاف خلال جلسات مؤتمر "حكاية وطن": "ماحدش دخل جوا وصورلى الناس بتشتغل إزاى وبتعمل إيه، الموضوع دا مهم أوى عشان عاوزين نقول للناس، بيانات الحكومة المصرية، ودا قليل من الدول اللى عملت دا، عملت حاجة مغلقة، واشتغلنا بقالنا خمس سنين عليه ولا يمكن حد يقدر يدخل على الحكومة يعمل لها شلل، هو دا سر؟ هو حد هيقدر يعمل حاجة بعد اللى عملناه إن شاء الله".
وتابع الرئيس السيسى: "الناس متصورة لما احنا بنقول الدولة بتدار بشكل متقدم تتجاوز به الإشكاليات بتاعة الجهاز الإدارى للدولة من خلال النظم الحديثة، وكل كلمة بتقولوها هنا بتتحول لجهد وتكلفة مالية ضخمة، مراكز البيانات دى أنشئت بشكل محصن بمليارات الجنيهات، بتكلم فى الإنشاء خرسانة مش قواعد بيانات ولا سيرفرات جبتوها، عشان تحقق لكم عمل مغلق محكم مؤمن لا يستطيع أحد يخش عليكم فى أى وقت مهما كانت قدراته، لأن مقلتوش الخمسين ألف حاسب الموجودين فى الوزارات عبارة عن شاشة وكيبورد، لا يمكن لمخلوق يقدر يدخل".
وقال الرئيس عبد الفتاح السيسى إنه كى نقوم بعمل مصنع نحتاج لاستثمارات كبيرة قد لا تكون متوفرة. ولدينا قطاع الاتصالات، بقول لكل أب وأم موجودين، وبقول للدراما والإعلام، نريد تسويق الفكرة الخاصة بفرص العمل فى مجال الاتصالات، ونريد أن نجعل الفكرة واضحة ويكون الشباب لديهم فكرة عن قطاع الاتصالات.
وأضاف الرئيس السيسى، خلال كلمته بمؤتمر حكاية وطن، :"لو قعد الأهل بالشباب فى هذا القطاع سيكون هناك فرص عمل والمطلوب منه أن يكون لديه أى باد وحاسب إلى والشغل فيه مفتوح لكل المتخصصين من مختلف الكليات".
وتابع الرئيس السيسى :"تحدثت عن هذا الموضوع فى مؤتمر تنمية الأسرة المصرية وقلت إننا عندما قمنا بعمل برنامج الماجستير وقمنا بعمل اختبارات لأخذ الناس ونضعهم فى برنامج قوى تكلفته 30 ألف دولار ولا زال، وجاء الوزير قال كتير عليه، والمهم تكون الفكرة موجودة لدى الناس فى مصر بأعدادنا الكبيرة سواء التعليم العام أو التعليم العالى يا جماعة إنتوا بتودوا أولادكم فين وتتخانقوا أن يحصلوا على ليسانس أو بكالوريوس، وبعد ذلك لا يجدون فرص عمل وسنعطيهم شهادة، لكن اكسروا الحواجز وأى حاجة تعوق الفكرة اتعاملوا معاها كى نقدم هذا الرقم، فالوزير يحلم بـ10 مليار دولار، لن أتحدث عن دول أخرى عددهم 1 على 20 ولكن لا توجد دولة مثلهم، والأرقام التى يتحصلون عليها لا يوجد دولة مثلها بالنسبة لهم وبالنسبة لنا هم الأعلى، وهذا معناه أن التعليم الذى كان لديهم مكنهم من ذلك، ونحن انتبهنا متأخر، وهذا الكلام كان لابد أن نعمل عليه من 20 أو 30 سنة".
وقال الرئيس السيسى :"كنت أتحدث مع المجلس الأعلى للقضاء وكنا نفكر مع بعضنا عن الجرائم الإلكترونية ولجنة متخصصة فى الذكاء الاصطناعى لأن الموضوع قد يقفز مننا وقد لا نكون منتبهين بانعكاساته علينا سواء معرفة أو تطور أو جرائم بحيث نعمل التشريعات اللازمة، وفى وزارة الاتصالات كل ما يطلب منا لا نبخل عليه وهى مطالب مشروعة فهل أصرف على ده أم على شيء آخر، وكل جنيه أصرفه هنا يكون تأثيره ضخمة على مصر وعلينا"
