الرئيس السيسى يوجه بمضاعفة دعم الأيتام وصرف معاش شهرى لأسر ضحايا ليبيا وتخصيص جوائز للجمعيات والمتطوعين.. يؤكد: العاصمة الإدارية فكرة لتغيير نمط العمل بالأجهزة.. وللمصريين: التغيير ليس بالهدم بل بالعمل والصبر

• الرئيس السيسي للمصريين: التغيير ليس بالهدم بل بالعمل والكفاح والصبر

• الرئيس السيسي للحكومة: عملكم مقدر وبشكركم عليه ولازم نشتغل ونبني ونعمر لآخر يوم

• الرئيس السيسي: توفير الرعاية للطفل اليتيم يجعله يطمئن بأن المجتمع بجانبه

• الرئيس السيسي: أعرب عن تقديرى لكل العاملين بوزارة التضامن

• الرئيس السيسي: أحيانا يضع البعض قواعد صارمة تعطلنا عن رعاية الأطفال بأسر بديلة

• الرئيس السيسي: "ربنا هيعوض علينا بإكرام الناس اللى عندها ظروف"

• الرئيس السيسى للقطاع الخاص: ممكن نبنى مستشفى تديره ونشترى الخدمة ونديها للناس ببلاش

• الرئيس السيسى: "مش كل فكرة لازم تنجح إلا لما تكون عارف هتعمل إيه"

قال الرئيس عبدالفتاح السيسى، خلال مؤتمر حكاية وطن، "إن إكرام الناس اللى عندها ظروف اللى هيعوض علينا فيه ربنا مش إحنا".

وقدم الرئيس عبدالفتاح السيسى، الشكر لوزيرة التضامن الاجتماعى، قائلا: "بشكرك يا دكتورة نيفين.. وبقول للناس اللى ما تعرفش.. الدكتورة نيفين شخصية فاضلة جدا فى وزارة التضامن وتقوم بدور كبير.. بقلب وبرحمة كبيرة جدا.. بحييها وكل العاملين فى الوزارة".

أضاف الرئيس السيسى خلال مؤتمر حكاية وطن: "كل التقدير والشكر للجمعيات الأهلية التى تقوم بدور كبير قوى فى مجتمعنا.. واسمحولى بقول ده علشان ما حدش يسئ للجمعيات دى جزء كبير من جهدها مبنى على الثقة.. الجمعيات الأهلية أجدر مننا فى ممارستهم مع المجتمع".

ووجه الرئيس عبد الفتاح السيسى، رسالة للمصريين خلال مؤتمر "حكاية وطن.. بين الرؤية والإنجاز"، قائلا: "لما تيجى تجد مستوى مش عاجبك.. أوعى تقول الحكومة بتعمل إيه وأوعى تقول وزير الصحة بيعمل إيه.. ده مش معناه إننا بنقبل التهاون.. لا، لكن اعرف إنك انت وانت بتقول اللى شايفه ده، علشان تغيره لازم تبقى مع مصر، يعنى مزيد من العمل، يعنى لما أغنى الناس هقدر أحسن كتير من اللى مش عاجبنا دلوقتي".

وتابع الرئيس السيسى فى كلمته: "أوعوا تفتكروا ده ممكن يتغير بإنك تهدها، اللى انت شايفه ده مش هيتغير إلا بالعمل والكفاح والصبر ويمكن يكون الحرمان كمان، كل المستشفيات الكبيرة اللى إحنا عملناها بما فيهم المدينة الطبية بمعهد ناصر، بنعرضها للقطاع الخاص، إحنا هنشترى منهم الخدمة بتاعتهم وهما هيديروها لصالح فئات داخل مصر وخارج مصر".

وأكمل الرئيس الصحة: "الدكتور خالد عبد الغفار من الناس الشاطرين، كان بيجى يعرض عليا وهو وزير التعليم العالى وكان شاطر جدا، عنده قدرة على تسويق فكرته جيدا، وبقول بالأفكار.. مادام لقيت الزميل اللى معايا بيقول هياخد دعم أقصى ما عندى، لأنها فى النهاية لصالح البلد".

وقالت الدكتورة نيفين القباج وزيرة التضامن الاجتماعى، أن مصر بها 1.4 مليون يتيم، ليسوا جميعهم فقراء، أو يتيمى الأبوين، وكانت وزارة التضامن تدعم 114 ألف يتيم، والآن تدعم 245 ألفا، أى بحوالى 20% من الأيتام من قبل وزارة التضامن.

أضافت وزيرة التضامن فى كلمتها ضمن فعاليات اليوم الثالث لمؤتمر "حكاية وطن.. بين الرؤية والإنجاز" بحضور الرئيس عبد الفتاح السيسي: "نتحدث عن دعم بمبالغ ليست بسيطة، أى 1.750 مليار جنيه سنويا، وهذا القطاع عليه تبرعات كثيرة، والمسألة ليست فى حوكمة تبرعات الأيتام ووصولها إلى مستحقيها، وهذا ما ندخل فيه مع جمعيات أهلية والجمعية الشرعية ووصلنا إلى 20% منهم، ورئيس الوزراء وافق على الوصول إلى 5% من تكافل وكرامة ونصرفها فى مساعدات كمصروفات مدارس وملابس الأعياد وأشياء أخرى".

وقاطع الرئيس السيسى، وزيرة التضامن، بحديثه إلى الدكتور محمد معيط، وزير المالية، قائلا: "دكتور معيط، عزز الرقم ده يعنى، يعنى الرقم مليار و750 نحط مليار و750، يعنى يبقى 3.5 مليار"، ووجهت الوزيرة الشكر للرئيس السيسى، ليبادرها الحديث: "ماحدش بيجيب حاجة من جيبه، ده من جيب مصر".

وتابعت الوزيرة كلمتها: "بالنسبة الإغاثة والتعويضات فى الكوارث مثل القطاعات والكوارث وغيرها التى تخسر فيها الأسر كل ما تملك، جرى زيادة الدعم من 10 آلاف إلى 100 ألف جنيه كتعويض، وزادت النسبة 1000% وبالإضافة إلى أننا نعمل مع الهلال الأحمر المصرى وزادت الإغاثة الدولية من 4 دول إلى 14 دولة"، وقاطعها الرئيس السيسى مجددا، بالقول: "من فضلك الرقم اللى حضرتك طرحتيه انتوا كنتوا طلعتوه للضحايا بتوعنا اللى كانوا فى ليبيا، أرجو أن الضحايا اللى عندها أسر زوجة وأبناء على طول ياخدوا المعاش بشكل مستمر فى ضوء اللى اتكلمنا فيه".

وقال الرئيس عبد الفتاح السيسى، فى مؤتمر "حكاية وطن.. بين الرؤية والإنجاز"، إنه عندما يتم توفير الرعاية للطفل اليتيم، هذا يعد بمثابة طمأنة من المجتمع أنه إلى جانبه.

وخلال المؤتمر، قالت الدكتورة نيفين القباج وزيرة التضامن، أن الدولة تقدم دعما يصل قيمته إلى مليار و750 مليون جنيه سنويا لدعم 20% من إجمالى الأيتام فى مصر.

وأضافت وزيرة التضامن خلال كلمتها: "الحكاية بدأت بدستور 2014 والذى كان بمثابة عقد اجتماعى جديد بين الحكومة والشعب قائم على المشاركة لأن كلنا فى الآخر شعب، والسؤال من يبنى من؟ الشعب يبنى الوطن أم الوطن يبنى الشعب.

وقال الرئيس عبد الفتاح السيسى، خلال زيارته مقر مجلس الوزراء الجديد بالعاصمة الإدارية الجديدة، والتقائه وزراء حكومة الدكتور مصطفى مدبولي: "أنا سعيد أن التقى بيكم فى المقر الجديد لرئاسة مجلس الوزراء، وأتمنى لكم التوفيق، وأنا موجود هنا علشان أوجه لكم التحية والتقدير والشكر، وأقول لكم أن عملكم مقدر جدا وأنا بشكركم على العمل الكبير اللى اتعمل خلال الفترة اللى فاتت".

ووجه الرئيس السيسى، وزراء الحكومة خلال كلمته قائلا: "عايز نستمر فى عملنا بنفس القدرة لآخر يوم، آخر يوم امتى أنا ماعرفش، أنا كإنسان أشتغل وبس، أبنى وبس، أعمر وبس، مش مهم القرار المهم إصرارك على تنفيذ القرار".

وقال الرئيس عبد الفتاح السيسى، إن الدولة المصرية أنشأت العاصمة الإدارية الجديدة كفكرة وليست وجاهه حضارية واجتماعية، وهذه الفكرة تعنى أن الدولة تحاول تغيير نمط وأسلوب عملها بأجهزتها المختلفة.

أضاف الرئيس السيسى، فى كلمته خلال اجتماعه بوزراء الحكومة المصرية بالمقر الجديد بالعاصمة الإدارية الجديدة: "كان ممكن الكلام ده نعمله داخل الوزارات فى وضعها القديم، لكن ديما أقول أن الجديد تحط فيه أنظمة ومسارات أكثر نجاحا من إنك تعمل تعديل على الواقع الموجود".

و قال الرئيس عبد الفتاح السيسى: "أنا شايف أن إننا محتاجين نتكلم أكتر والإعلام يغطى أكتر ويبقا لينا مساحة أكبر كتير كتير محتاجة جهد إعلامي".

أضاف الرئيس السيسى خلال مؤتمر حكاية وطن: "عمرنا ما عملنا جوائز ذات معنى محترم لكتير من الأنشطة اللى بيقوم بيها متطوعين أو جمعيات أهلية معملناش ده طيب ما نعمل ده ونيجى فى يوم زى اللى إحنا شغالين فيه ده ونجيب النموذج ونتكلم فيه.. لو فيه دار أيتام نعمل مسابقة بينهم وأفضل مستشفى عملت كذا.. خلوا الناس اللى بتشتغل من غير مقابل نقولهم على الأقل متشكرين".

وقال الرئيس عبد الفتاح السيسى فى كلمته بمؤتمر حكاية وطن: "من 3 سنوات كان فى عدد من دور الرعاية محتاجة رفع كفاءة، وقلتلها بدون شك فى رعاية مناسبة من الدولة، ولكن يبقى أن الطفل الذى يتم رعايته وسط أسرة لديها كرم وعطف يمكن أن يحل المسألة ليست المالية ولكن نعطيه رعاية تخليه إنسان أكثر استواء".

وأضاف: "كان فى قواعد صارمة فى رعاية الأطفال فى أسر بديلة، أحيانا بنحط معايير تعطلنا، وناس بتقعد فى المكاتب تكتب معايير ولما نطبقها فى الواقع تخلى الفرص تتراجع بشكل كبير، فى ناس طيبة كثيرة وطالما مستعدين نشيل شرط المؤهل العالى".

وتابع: "هل فى أسرة متوسطة التعليم أفضل أم فى دار رعاية، لا يمكن أن الرعاية التى يتم تكثيفها فى أسرة واحدة تتساوى مع دار رعاية وانا شفت ده فى أمريكا، إذا لم نهتم بالطفل فى الوقت الحالى وهو طفل غدا هيكون فى شاب أو شابة وكنت بحكى الكلام ده كفكرة للشيخ محمد بن زايد، قولتله فى نص فى القرآن فليكرموا اليتيم، وكأنه مطلبا إلهيا للأمة والمجتمع أنهم يهتموا باليتيم وقولته إنى قولت للدكتورة نيفين الكلام ده من سنة وهى غطست ومقبتش تانى".

وأكمل: "أنا عارف الظروف كويس وبحكى للناس لكن اللى عجبنى أنه قال أنه هيعمل المشروع عنده فى الإمارات، الفكرة ليست فى طفل محتاج ولكن طفل نعطيه رعاية والمجتمع يقوله إحنا معاك فياخد أفكار، هل هنفضل مش معانا، وحتى لو هنفضل معناش لأجل خاطر الأيتام".

وقال الرئيس عبدالفتاح السيسى: "فيه رجل أعمال فاضل جدا فى 2015 قال عاوز أعمل حاجة خيرية وقالى عملت تصميماتها فى أمريكا وبرضه عاوز الهيئة الهندسية تعملها.. قلتله الفكرة اللى انت حاططها غير قابلة للنجاح فقال ليه؟ قلتله وبقول للمصريين فى الفلوس انا عندى مشكلة اشوفها بشكل متتخيلهوش فى ضعفها وفى قوتها".

أضاف الرئيس السيسي: "أنت بتتكلم على مستشفى هتتكلف 20 مليار جنيه هتقدر تجيب الرقم ده؟ وعدد الأسرة اللى انت حاططها فوق الألف سرير.. طيب انت عارف المريض هنا بيتكلف كام؟.. متصور انك انت عاوز 4 مليارات جنيه تكاليف تشغيل المستشفى على الأقل.. صدقنى مش قابلة للنجاح.. فقالى انا هكمل وانا عارف وهجيب التبرعات بتاعتها ومعايا مليار وشوية وده كان رقم كبير قلتله ماشى.. طيب حد يقولى طيب انت عارف انها مش ناجحة طيب بيتعملها ليه؟.. لا ده أنا باخد الفكرة غير القابلة للنجاح وأنا أعمل إيه؟.. أنجحها.

تابع الرئيس السيسي: "وزير الصحة جابلى معهد ناصر وقال شوية تطوير يعنى قلتله لا يا خالد معهد ناصر هايبقا مدينة طبية عالمية تتكلف كام؟ وتتعمل ازاى ؟ انا اتصرف فيه مش الحكومة تتصرف فيه وده مسار تاني".

واصل الرئيس: "المستشفى حط الفلوس وانشغل فى حياته كلفت حتى الآن 6 مليارات جنيه وهتوصل 10 مليارات غير التجهيزات وعملنا اختصار للعدد من إلف إلى 340 سريرا.. بقرأ فى الجرايد وكل اللى بتكتبوه وتقولوه وبتعلم منه.. المستشفى دى كان المفروض يتعملها معمل نووى لعلاج الاشعاع بـ 46 مليون دولار.. مستعدين لمستشفى عالمى يجى ياخدها القطاع الخاص ونشترى منه الخدمة وهو يديرها واحنا الخدمة هتبقا ببلاش للناس، ولكن إدارة عالمية بالقطاع الخاص ونشترى منه الخدمة.. حبيت أقول الكلمتين دول أن الممكن القطاع الخاص يعمل مستشفيات".

قال الرئيس السيسي: "إذا كنتم عاوزين تضمنوا مسار ناجح.. الدولة تخلص تلاتة ارباع المشوار وتسيب الربع للقطاع الخاص يعنى اعمل المستشفى بالمواصفات اللى انت عاوزها واديهالك وانت تديرها كانك انت عملتها لان لو علشان اديهاله هيعوز تخصيص حتة ارض والتصميم والتنفيذ وقرض من البنك على ما تخرج المستشفى تاخ من 5 – 7 سنوات".معايا انا بقا تاخد سنتين وبقوله انا خلصتلك المشوار تعالى دير.. الفكرة علشان موضوع العلاج فى مصر بنقول انا ممكن يكون عندى 700 مستشفى لكن ظروف ادارتنا قد تكون غير مشجعة وغير محفزة".

و قال الرئيس عبدالفتاح السيسى، عن مسار الأفكار الجديدة: "هقول حاجتين تعليقا على المسار والفكرة وهأقولكم على الكلام ده من باب التجربة.. فيه فرق بين الفكرة وتنفيذها.. الدكتور زويل الله يرمحه جالى فى 2014 وقال عاوز أعمل جامعة زويل قلتله إيه المطلوب مني؟ قال ولا حاجة أنا بس عاوز الهيئة الهندسية هى اللى اتنفذ، قلتله يا دكتور زويل هل تضمن تبرعات إقامة الجامعة؟ قال طبعا.. وكان ساعتها المبلغ اللى معاه حوالى 500 مليون جنيه، والبرنامج بتاع الجامعة ضخم قوى، قلتله يا دكتور زويل أنت هتعتمد فى الفكرة على تبرعات الناس.. أيا كان الناس اللى وعدوك.. مش كل فكرة لازم تنجح إلا لما تكون عارف كويس هتعمل إيه، وتصر على إنك تنجحها ما تسيبهاش.. وقدر الله وحصل اللى حصل يبقا الهيئة الهندسية تكمل المشروع.