بث "تليفزيون اليوم السابع"، تغطية خاصة من إعداد إسراء عبد القادر، وتقديم أحمد العدل، والتى استعرض خلالها أنه وجه الرئيس عبد الفتاح السيسى، التحية إلى القوات المسلحة، قائلا: "اوجه للقوات المسلحة كل التحية وكل التقدير وكل الاعتزاز بالدور.. الدور فى وقت الحرب ووقت السلم.. واسمحوا لى أن أهنئ القوات المسلحة بمرور 50 عاما على نصر أكتوبر المجيد".
وأضاف الرئيس السيسى، خلال كلمته فى تفقد اصطفاف الفرقة الرابعة المدرعة فى الجيش الثالث الميدانى فى محافظة السويس: "احنا موجودين فى أحد الأنشطة التدريبية.. واصطفاف الفرقة الرابعة المدرعة.. وبسجل أنه كان فيه أنشطة كثيرة جدا فى إطار الاحتفال بحرب أكتوبر المجيدة.. وخلينا الالتزامات فى أقل ما يمكن مراعاة للظروف الحالية".
وقال الرئيس عبد الفتاح السيسى، أنه فى ظل الظروف الموجودة فى المنطقة دلوقتى مهم قوى انك وانت بتمتلك القوة والقدرة إنك تكون بتستخدمها بتعقل ورشد وبحكمة ولا تطغى مبقاش فيه طغيان وأوهام بقوتك الموجودة.
وأضاف الرئيس السيسى، خلال تفقد إجراءات تفتيش حرب الفرقة الرابعة المدرعة بالجيش الثالث الميداني: "ساعات أسأل ما دام عندنا القوة... إنت عندك علشان تدافع عن نفسك وتحمى بلدك وعلشان تتعامل مع الظروف بعقل ورشد وبصبر.. اوعى الغضب والحماسة تخليك تفكر بشكل تتجاوز فيه.. وتقول فى وقت من الأوقات مكنش ممكن.. ولابد أن تجاوز كده.. أوضح اكتر.. اوعى أوهام القوى تتدفعك انك تاخد قرار وتعمل اجراء تقول بعد كده مكونتش دارس كويس.. كنت مدفوع بغضبى بحماسة زيادة عن اللزوم".
