كشف الفنان محمد كريم، كواليس زيارة تيريس جيبسون لمصر وزيارته للمعالم السياحية والأهرامات، قائلا: "تيريس جيبسون بقاله 7 سنين عايز يجي مصر وهو متأثر جدا بموضوع الأهرامات من طفولته، ولما طلب مني المرة دي زيارة مصر قلت له تعالى وكان سعيدا جدا بالزيارة".
وأضاف محمد كريم، خلال مداخلة هاتفية ببرنامج "التاسعة"، مع الإعلامي يوسف الحسيني، على القناة الأولى، أن زيارة النجوم العالميين يفتح الطريق لجذب وتصوير السينما العالمية، متابعا: "بنحاول نفتح سكة كويسة والموضوع مربح جدا للبلد ليس على النطاق السياحي فقط، ولكن اقتصاديا بشكل كبير، وأي فيلم ييجي يتصور في مصر هتلاقي أرقام كبيرة".
وتابع: "بلدنا أولى والمشكلة عندنا أن كتير قوي من الأفلام لها علاقة بمصر وتصور في دول تانية وفي تغيرات جميلة حصلت في البلد عندنا مدن جديدة، وعايزين المفهوم ده نحط فيه جهد زيادة، والفيديوهات اللي عملها تيريس جيبسون مؤثرة للغاية في العالم، وفان ديزل كلمه في التليفون وعايز يزور مصر".
