حل أبطال فيلم "شماريخ" ضيوفاً في برنامج "معكم منى الشاذلي، الذى تقدمه الإعلامية منى الشاذلي على قناة ON، وقالت أمينة خليل: "اشتغلت مع عمرو سلامة قبل كدة في الشيخ جاكسون كام مشهد صغيرين وانبسطت جدا ومن وقتها بقينا أصحاب، وأكتر الحاجات اللى حسيتها في الفيلم وأثبتتلى إنى كنت صح إنى بثق فيه جدا وبثق فى رؤيته، وده مش دايما بيكون موجود، ولما كان بيحكيلى على الفيلم ورؤيته ودخلنى جوه العالم ده من وقتها وأنا عاوزة أعمل الفيلم".
وقال آسر ياسين: "في أفلام لما بقراها بكون حابب أعملها مش عشان تجارياً ولكن عشان حابب العمل وحابب السيناريو وتفاصيل العمل".
وتابع آسر ياسين: "أنا أعرف عمرو سلامة من واحنا في الجامعة كنت بعمل فيلم قصير وهو كان بيعمل مونتاج لفيلم لواحد صاحبنا كان عام 2003 روحتله البيت عشان بيعمل مونتاج، وكان بيعمل موسيقى الفيلم هانى عادل، ومن هنا ابتديت علاقتنا ومعرفتنا ببعض".
وتابع آسر ياسين: "اتعرفنا على بعض لغاية لما هو اشتغل وأنا اشتغلت واتقابلنا في أوديشن فيلم زى النهاردة وهو كان بيعمل الإخراج له، فكانت بداية حلوة إننا اشتغلنا سوا، وروحت ضيف شرف في فيلم لو مؤاخذة".
فيلم "شماريخ" بطولة آسر ياسين أمينة خليل، خالد الصاوي، آدم الشرقاوي، مصطفى درويش، وسالي حماد، وعدد من ضيوف الشرف منهم محمد ثروت وهدى المفتي، والعمل من تأليف وإخراج عمرو سلامة، تدور أحداثه في إطار أكشن ومطاردات، حيث يحدث ظرف ما يجمع بطلى الفيلم ويجعلهم في خطر كبير فيتحدون لكيفية التخلص منه.
تم أضافة تعليقك سوف يظهر بعد المراجعة