قال المهندس مراد الشريعي، نجل الموسيقار الراحل عمار الشريعي، إن والده موجود بكل تفاصيله معه حتى الآن بعد وفاته بسنوات، مشيرا إلى أن والده له تأثير كبير عليه في كل شيء حتى الآن، وأن والدته أكملت المسيرة من بعده.
وأضاف خلال لقائه مع الإعلامية منى الشاذلي ببرنامج "معكم" الذي يذاع على قناة "cbc": "أكتر مجاملة جميلة ممكن أسمعها، إن حد يقولي شكلك أو صوتك شبه والدك رحمه الله، أحيانا بكلم ناس أقارب أو معارف بيقولوا احنا حاسين إننا بنكلم عمار الشريعي، أنا مذاكر كل حاجة عملها الوالد، لكن أكتر حاجة مزعلاني أن معظمها كان بعد وفاته، عمري ما قدرت أسأله عن عمل من أعماله وهو على قيد الحياة، وهو ما حاولش يقحمني في عالم المزيكا سابني على راحتي".
وتابع: "أغاني مسلسل بابا عبده كنت دايما بغنيها، وكان دايما لو في مواقف أو عاوز يوصلي فكرة معينة، يعملي أغنية، فكنت باخد الحاجة بحب، يعني كنت بخاف من الطيارة، فعمل أغنية (عم يا طيار)، وكان بيقعد يغنيهالي طول الرحلة، وكان بيغنيلي قبل أول يوم مدرسة، وأنا فاكر كل المواقف والأغاني اللي اتغنت في المواقف".
واستطرد: " كان ناس كتير بتسألني كنت بتتعامل ازاي مع بابا وهو مش شايفك؟ أنا كان بالنسبة لي مكنتش باخد بالي، بابا كان بيعمل كل حاجة لوحده، لحد ما بابا قرر إنه يعرفني إن عنده مشكلة في البصر،
فيما قالت الإعلامية ميرفت القفاص، خلال لقائها بالبرنامج، إن هناك شبه كبير بين مراد ووالده عمار الشريعي، وأنها تشعر بأن هناك قطعة من عمار الشريعي موجودة في المنزل.
تم أضافة تعليقك سوف يظهر بعد المراجعة