كشفت الفنانة رنا رئيس عن عدم تفاعلها على مواقع التواصل الاجتماعى خلاف الآخرين معقبة :"الشارع بيعرفنى النجاح صح على وجوه الجمهور، ولكن السوشيال ميديا حد بيكتب حاجة مش شايف شكله ولا هل هو بيقولها من قلبه ولا كلام مش حقيقى"، مضيفة : "وليا 5 سنوات بمثل ولكن كل اللى أنا فيه رزق من عند ربنا".
وأضافت خلال حوارها مع الإعلامية إيمان الحصرى عبر برنامجها مساء دى إم سى المذاع على قناة دى إم سى: "والدتى صريحة جدا معايا لأبعد الحدود وأكبر نقاد ليا، ولو شافت مشهد مش كويس بتقولى كنت المفروض تعملى كدة."، لافتة إلى أنه تشارك فى فيلم بعيد الفطر مع الفنان على ربيع، فيما أنها لم اشارك فى عمل فنى فى شهر رمضان المقبل.
وعن دورها مع ماجد الكدوانى: "أحلى حاجة حصلت فى حياتى أن أشارك معاه حتى ولو مشهد واحد.. وهو على الجانب الشخصى احلى بنى آدم شوفته.. واتعلمت حاجات كتير منه على جميع الأصعدة وتقريبا الفنان اللى مفيش انتين اختلفوا عليه".
وعن دورها بمسلسل موضوع عائلى :" فيه مشهد كان مصحوب معه أغنية مأثرة بالمسلسل كان بيفكرنى بفقدان والدى وجسدت المشهد كأنه حقيقى".
وأوضحت : "بخاف من الحسد جدا بسبب أن مرة كنت مسافرة وعندى 4 كلاب وصورت فيديو مع كلبه منهم ونزلتها على موقع التواصل الاجتماعى وبعدها بقيت ترند وبعد كام يوم ماتت.. وبخاف من الحسد جدا عليا وعلى كل الناس".
تم أضافة تعليقك سوف يظهر بعد المراجعة