علقت الإعلامية أميرة بهي الدين، عن اكتشاف أول وأكبر بردية أثرية بالخط الهيراطيقية، قائلة، إن أرض مصر كل يوم بتكشف لنا كنوزها وبنشوف منها عظمة بلدنا.
وأضافت خلال برنامجها أفتح باب قلبك المذاع على قناة cbc: "المصريون زمان كانوا بيخطبوا للبنت مش للابن، وكانت زوجة واحدة بس مش أكتر.. لأن مصر بلد الحضارة كان ليها نظام تم تدوينة على المعابد والبرديات عن الزواج.. الزواج كان من غير عقد ولا شهود يعنى صباح الخير اتجوزوا.. ولكن بعد التطور بقى الزواج موثق وكان الزوج يشترى كل حاجة ولازم يعطى لامراته جزء من ممتلكاته".
وتابعت :"الزوج فى مصر القديمة لازم يعطى لزوجته جزء من الممتلكات لو حصلت مشاكل وانفصال كانت ترجع بكل ما جاءت به رغم إن مفيش قايمة، لأن كان هناك احترام.. والستات كانت واخدة حقوقها.. وبيخطبوا لابنتهم وليس لابنهم عشان ينقوا راجل سند وضهر".
