قالت الفنانة يسرا: "كنت أفضل أن يكون لدى عين سحرية أعرف حقيقة الناس، وعدم وجود هذه العين نعمة من الله لأننا كنا سنكره ونحزن، وكنا هنشوف وجوه وحشة جدا احنا شايفينها حلوة".
وأضافت يسرا، خلال لقائها برنامج "أنا والقناع" المذاع على قناة الحياة: "لا نستطيع الحكم على أشخاص ولكن نستطيع أن نحكم على مواقف أو تصرفات، وكان نفسى أشوف أمى بتشوفنى إزاى، وفى لحظة قبل وفاتها حسيت بهذا كنت مبسوطة وكنت زعلانة إنى عارفة النهاية".
وتابعت يسرا: "الحمد لله إنى ما خليتش حد يخدم والدتى في ظروف مرضها، والحمد لله إن ربنا أعطانى هذا وكنت أتمنى أعمل أكثر من كدة بكتير، ولو كنت أقدر أعمل أكثر كنت عملت، وأنا عمرى ماهنسى إنى كنت قاعدة مع إلهام شاهين وقولتلها امشى علشان ماما هتموت بكرة، سيبونى علشان عاوزة أقعد معاها، مش عارفة إزاى، وحصل".
وأكملت يسرا: "أى حد حزنت عليه حزنت عليه من قلبى، وأى حد فرحتله فرحتله من قلبى، ومافيش حد حزنت عليه أكتر من أمى، وكل يوم عندنا فرح وميتم ولا نستطيع أن أرضى العالم، مش يمكن أكون رحت الفرح رحت علشان علشان أنسى الحزن، وطلعت من جنازة سمير غانم وكنت بكلم دلال ومش قايلالها إنى أنا في جنازته،؟ الناس مش فاهمة وفى ناس نفسها تشوفلك الغلط، وعلى طول كنت بسأل عن دلال عبد العزيز، وأنا قولت لدلال أنا خارجة ورايحة فرح دلوقتى وخبيت عليها علشان أنا خايفة عليها".
