قال المهندس سامح يوسف إدريس نجل الاديب الكبير يوسف إدريس: والدى كان بيحب الاتقان والمثالية من وهو صغير من الابتدائية حتى تخرج من كلية الطب والعمل كتبه في وقت قصير، وليس وقتا طويلا والعمل في مجمله جيد، وستظل مصر متربعة على عرش الدراما في الدول العربية كلها احنا اللى عندنا اكب عدد من المسلسلات .
وأضاف خلال لقائه ببرنامج التاسعة المذاع مع الإعلامية شافكى المنيرى: كنت سعيد جدا ان الشركة المتحدة المنتجة لمسلسل سره الباتع رصدت ميزانية كبيرة جدا لان في حاجات بتنفجر ومعارك وأعداد ضخمة تشارك وان شاء الله احضر التصوير في المشاهد الجاية .
وتابع: كلمت خالد يوسف وباركتله بعد عرض الحلقات الأولى من المسلسل وقاللى استنى في مفاجأت كثيرة ومش عاوز المشاهد يستعجل، وبقوله استنى في حاجات جاية أحلى، وخالد يوسف أدخل بعض الحاجات وله معالجة درامية وبيحاول يربط الاحداث الهامة في تاريخ مصر، ووالدى كان بيحضر تصوير كل عمل هو كتبه مع الممسلين، وكان صاحب كل الابطال وكان بيحب الفنانيين كلهم رشدى اباظة وفاتن حمامة وكلهم.
وأكمل: كل الممسلين مصريين قوى والبطلات كمان ممتازين مش عاوز أتكلم عن الابطال بس، ويسعدنى ويشرفنى ان الفكر يتحول إلى مسلسل لانه اصبح من الصعب الناس تقرأ رواية ولكن من السهل ان الناس تتفرج على مسلسل.
