"فى يوم بنتعشى مع بعض وقال لى: عايز أتجوزك، وبعد ما اتفقنا كل ما أقول لحد يقولنا مستعجلين ليه كدة؟".. بهذه الكلمات روت الفنانة شيرى عادل كواليس زواجها من الفنان طارق صبرى خلال استضافتهما فى برنامج "صاحبة السعادة" مع الإعلامية إسعاد يونس.
وخلال اللقاء كشف طارق صبرى تفاصيل قصة حبه مع شيرى عادل، قائلا: "بقينا فجأة فى حياة بعض واتعودت على وجودها فى كل مكان حتى مكان عملى، وضغطت عليها عشان توافق، قالت لى أنا عايزة أعمل فرحى فى الصيف قولت لها نتجوز وبعد كدة نعمل الفرح".
وعن عيوب كل منهما قالت شيرى: "ما عنديش مشكلة معاه باستثناء صوته عالى جدا والناس بتفتكرنا بنتخانق لما بيتكلم وأنا بعد الجواز اتغيرت للأحسن".
وعن تفاصيل زواجهما قال صبرى: "كل حاجة عليا ومفيش حاجة على ذوقى بروح أدفع بس".
وفى أكتوبر الماضى فاجأ النجمان جمهورهما بعقد قرانهما وسط حضور الأهل والأصدقاء ليكونا أحدث عروسين بالوسط الفنى.
