قدم أحمد رأفت مذيع الشارع، حلقة جديدة مساء اليوم، السبت، من برنامج "ناسها البسيطة" على قناة CBC، مستعرضا خلالها أهمية "الأخ" فى حياة الأشقاء، وجاءت الحلقة تحت شعار "الأحد سند ووجوده بالدنيا".
والتقى رأفت، خلال الحلقة بعدد من السيدات، وقالت إحداهن: "فى واحد كويس وكل شوية بيزورنى، وواحد مش بيعبرنى حتى، والأولانى ما سابنيش لحظة خاصة بعد وفاة زوجي".
وتابعت: "جارى اللى قصادى ماتوقعتش منه اللى عمله، لما مات زوجى وقف معايا فى كل لحظة فى الموقف الصعب ده، وهو كان أكتر من أخ ليا، فى حين أخويا الكبير خزلنى فى يوم من الأيام".
وأكملت: "الحنية تفرض على الأخوات يقفوا مع بعض فى كل وقت، وأنا متأثرة أن أخويا مش بيجيلى ومش بيسأل فى حين لما حصل معاه موقف أنا جريت عليه جري".
وسأل رأفت إحدى الأمهات عن أهمية الأخ فى حياة الأسرة، والتى بادرت بالرد: "الحمد لله أخواتى كلهم واقفين معايا ما عدا واحدة بس ربنا يهديها ويصلح حالها ويرجع لها عقلها الصالح، وأخى الأصغر وقف معايا فى كل حاجة وكان سند ليا ولعيالى فى كل وقت".
وأردفت: "أمى كانت تحرص على ارتباطنا ببعض فى حياتها وكانت دائما تراضينا على بعضنا، وأبونا اتوفى فى حادثة قبل فرحى بـ3 أيام وأمى كانت هى الأب والأم وكل حاجة وجوزتنا إحنا 7 ولم تقصر مع أحد، وأهمية الأخوات فى حياة بعض كبيرة لأن مفيش بعض الأخ حاجة وهو بيقوم بدور الأب بعد وفاته".
وفى نهاية الفقرة، دخل رأفت مع ضيوفه فى وصلة من اللعب، أعقبتها إهدائهم فوانيس رمضان تحمل مبالغ مالية، وهو الأمر الذى أدخل من خلاله السعادة على قلوبهم كثيرا.
