قدم أحمد رأفت، مذيع الشارع، حلقة جديدة مساء اليوم، الأربعاء، من برنامج "ناسها البسيطة" على قناة CBC، وتناول خلالها الحديث عن الفرق بين الحياة أيام زمان والوقت الحالي، وقابل "عم فتحي" وتحدث عن الفارق بين الحياة خلال الماضى وحياة الشباب الأن.
وقال عم فتحى: "في حاجات كتير زادت قوي عن زمان وزمان كانت الحياة بسيطة ودلوقتى أولادنا عايشين في رفاهية وتغير الحال واحنا كنا سعداء زمان رغم بساطة الحال لكن دلوقتي أولادنا النت خدهم كتير".
واستكمل: "زمان كنا عايشين فى بيت صغير دلوقتي بيت كبير وزمان كنا عايشين في أوضة دلوقتي عايشين في شقة، وشقينا وتعبنا وأولادنا عايشين في حياتنا دي على الجاهز، وتعلمت من الحياة زمان النظام والتدبير وبنصح الشباب الجديد متخلفش كتير والخلفة الزيادة بتعلم تعب واجهاد للأب والأم".
وأوضح، أن أفضل العادات زمان كانت زيارة الأقارب والأهل وصلة الرحم، مضيفا: "زمان كان ليا زميل كان نفسي اشوفه قبل ما يموت وتأثرت به جدا ووالدتي ووالدتي وحشوني ولكن دي الحياة كل واحد له دور".
تم أضافة تعليقك سوف يظهر بعد المراجعة