قدم أحمد رأفت حلقة جديدة مساء اليوم، الأربعاء، من برنامج "ناسها البسيطة" على قناة CBC، موجها سؤال عن معنى الرضا لضيوفه فى الشارع.
التقى أحمد رأفت، بإثنين من العمال في الشارع، وقال أحدهما عن الرضا: "نحمد ربنا على كل اللى إحنا فيه.. الحمد لله، وأنا حصلى موقف وكنت شغال بمنشار وبقطع فرع شجرة والفرع وقت والمنشار لف وعورني في ضهري، وأنا حمدت ربنا وسجدت على إن المنشار ماقتلنيش".
وتابع: "دايما بشوف المواقف الصعبة رزق من ربنا وليس ابتلاء، لأن ربنا لو ابتلى عبد يبقى بيحبه برضو، والشخص الراضى على رزق ربنا، ربنا بينعم عليه".
ودخل أحمد رأفت فى وصلة لعب مع ضيوف البرنامج، وأهداهم فوانيس رمضان تحمل بداخلها مبالغ مالية، وهو الأمر الذى أدخل السعادة عليهم.
وقالت سيدة مصرية في ردها على سؤال "رأفت"، إن الرضا يكون لأى شىء يمنحه الله للإنسان، مردفة: "نقول الحمد لله على كل شىء يجي من ربنا"، وقالت أخرى عن موقف صعب مر عليها جعلها تحمد الله كثيرا رغم قسوته: "ابنى كان كل ما يجى يمشي يقع تتكسر رجله، و4 مرات رجله تتكسر، لحد ما الدكتور قالت لازم يتركب له شرايح، حمد الله ورحت للدكتور وبعد ما فكينا الجبس مشي طبيعى".
وتابعت: "كنت كل ما أحمل ابنى ينزل بعد 8 شهور، وحمدت الله وقلت يا رب راضية بحكمك، وأنا لم أيئس أبدا لأن ربنا أكبر من الكل وصبرت وربنا أعطاني ورضيت، أعطاني ولدين و3 بنات وراضية".
ودخل أحمد رأفت فى وصلة لعب مع ضيوف البرنامج، وأهداهن فوانيس تحمل مبالغ مالية، وهو الأمر الذي أدخل السعادة عليهن.
