وقال الرئيس: "المفروض ولادنا ما يشوفوش فينا تعبير مش جميل وحتى لما نلاقى عمل فى الدراما المفروض نتكلم ونحسن من كلامنا ومن سلوكنا ومحتاجين نراقب نفسنا يعنى حسيب رقيب والنهاردة يوم جميل بيكم كلكم وأنا فى وسطكم فى نعمة كبيرة".
وقال الرئيس عبد الفتاح السيسى: "دائما بقول للمسئولين عاوزين نعمل برامج مخلصة علشان انتوا أهلنا وأنا بتشرف أن أنتم أهلى وأنا راجل بسيط زيكم والبركة فى ربنا والشكر دايما موصول لله وهو اللى قدرنا نعمل ده".
وتابع الرئيس السيسي: "بنقول لربنا شكرا لو حد فينا مش بيقرأ ويكتب ما نستخسرش نعلمه لو حد فينا بيستغل لازم يعلم اللى مش بيعرف مش عاوزين حد بينا فقير طول ما القلوب مع بعض ربنا هيساعد بأفكار ودعم، وربنا يقدرنا على كل حاجة جميلة واللى اتعمل مش بيا لوحدى بينا كلنا وكل المسئولين لهم دور فى هذا وبقولهم متشكرين ونشتغل أكثر".
وقال الرئيس عبد الفتاح السيسي ردا على إحدى السيدات، وتدعى نعمة من أهالى الأسمرات: "شرف لينا اننا قدرنا ننقل الناس لحى الأسمرات".
وأضاف الرئيس السيسي: "كنا بنحلم بالموضوع ده وربنا أراد وكل ما هتعملوا أكتر هتخلوا الحلم له معنى أكبر بكثير، وبالمناسبة محدش مننا ليه فضل عليكم، لأن الفلوس دى فلوس مصر، ومحدش بيجيب حاجة من جيبه، وجميل قوى أننا نحس أنكم بتحبوا بعض أكثر، وبتساعدوا بعض أكثر، ومش عاوز أقول ندفن كل اللى فات ونبص لقدام، انتم مع بعض واحنا معكم".
وقال الرئيس عبد الفتاح السيسى :"كل سنة تقريبا منذ أن توليت المسئولية حتى الآن عدد الشقق التي تبنيها الدولة 2 مليون وحدة، وممكن يكون ربعهم أو أكتر يعملهم مطورين عقاريين غير المساكين اللى بيعملها الأهالى، وده فرص عمل، وهى مهن مرتبطة بالبناء، أنا بخلق فرص عمل للناس دون أن أدخل في موضوعات معقدة".
وأضاف الرئيس السيسى، خلال حوار مفتوح مع أهالى الأسمرات: "لو بعمل النهاردة مشروعات مثل البنية الأساسية المواد بتاعتها في الغالب موجودة في مصر، بتشغل مصانع كتير، وتشغل ناس كتير في الموضوع، وماشيين في سكة شغل تانى، أنت تريد 700 ألف فرصة عمل في السنة، وده اللى بيتخرجوا من الكليات، وفيه كتير من الدبلومات، وبالتالى حوالى مليون فرصة عمل في السنة، وهذا رقم ضخم جدا، ودول عملاقة لا تستطيع أن تفعل ذلك".
وتابع الرئيس السيسى :"نسبة البطالة 7,4 % وهى نسبة بالنسبة لدول كتير في ظل الأزمة الاقتصادية هي نسبة جيدة للغاية، ونريد أن نقللها، ونعمل فرص عمل أكتر من ذلك، ولابد أن نثق أن بصبرنا وجهدنا وإخلاصنا وأمانتنا، وشرفنا أن المسيرة ستكلل بفضل الله بالنجاح بفضل الله سبحانه وتعالى".
تم أضافة تعليقك سوف يظهر بعد المراجعة